Sereńko 72:16 - সান্তালী বাইবেল

¹⁶ Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Sereńko 72:16 Referans Kwoze

Johan sodor 7:9

Inạ tayom sanam jạtrenko, bõsrenko, disạmrenko ar pạrsirenko modko khon nunạkʼ gadel hoṛkoń ńelketʼkoa je, onko do okoege bako lekha daṛeatʼkoa. Onko do ponḍ kicricʼ horokʼkate ona siṅghạson ar Bheḍa Hopon samaṅre khijur sakam sapʼkateko teṅgo akan tahẽkana.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsi hoṛko ḍher idiyente mõṛẽ hajarko hoyena.

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Jesaea 32:20

Bhạgangeape ape do, one okoe dakʼ aṛe aṛere itạpe eretʼkan ar aperen ḍaṅgra ar gadhako nirdạndi ạtiń lạgitʼpe aṛakʼkako kan.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 29:17

Ar thoṛa din khange cetʼ Lebanon do jo bahakʼkan bagwan leka baṅ hoyokʼa? Ar jo bahakʼkan bagwan do bir gajaṛ tulni baṅ lekhakʼa?

Sereńko 104:16

Probhu Isorakʼ sirjạuakʼ sanam dare nạ̃ṛĩko do ḍher dakʼe ńameda; ar uniye rohoe akatʼ Lebanon reakʼ debdạru dareko hõ dakʼe ńameda.

Sereńko 72:6

Irakatʼ ghãs goḍare jạṛi dakʼ ńurlenre cetʼleka hoyokʼ onkage uni hõe hoyokʼma; jemon uni do hasae lohotʼ akatʼ dakʼ lekae hoyokʼ.

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Jobakʼ 5:25

Amem baḍaea, amren do aema gidrạko hoyokʼtama ar amren hoponko do ṭạnḍi reakʼ ghãs lekako hoyokʼa.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.