Sereńko 72:12 - সান্তালী বাইবেল

¹² Okoeko reṅgecʼge, arko santao ocokʼkan ar dukhạliạko one goṛo ńam lạgitʼko rakʼetʼkan uni do onkoe bańcaokoa.

Sereńko 72:12 Referans Kwoze

Jobakʼ 29:12

ente goṛo ńam lạgitʼ okoe reṅgecʼ hoṛko rakʼetʼ tahẽkan ar ṭũạr amarkoren cele gokʼṛokoge bako tahẽkan, onko doń rukhiyạyetʼko tahẽkana.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Luk 7:22

Ona tayom Johanren cela roṛ ruạṛatʼkinteye metatʼkinạ, “Okako ben ńelketʼ arben ańjomketʼ ona calaokate Johan lạiyae ben. Ar baḍae ocoyeben je, kãṛã hoṛko ńeńel kana, leḍhakoko taṛameda, murhucʼ jom hoṛko bogekʼkana, kala hoṛko ańjomeda, gocʼkoko jiwetʼ beredokʼ kana ar reṅgecʼ orecʼko ṭhen do bhage sombat porcarokʼ kana.

1 Samuel 22:2

Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.

2 Samuel 14:16

Iń ar ińren hoponiń do Isorakʼ sompotti khon, metakʼme acʼren hoṛko tala khon marao giḍi liń lạgitʼ okoe hoṛe kurumuṭukan uniyakʼ ti khon hoedaṛeakʼa maharaj doe rukhiyạ lińạ.

Jobakʼ 36:15

Nacarko do akoakʼ nacar dosa hoteteye rukhiyạyetʼkoa ar onkoakʼ duk hotetege onkoakʼ lutur doe jhicʼetʼtakoa.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Kạhtukko 29:7

Reṅgecʼ orecʼko jemon hok reakʼ bicạrko ńam onate dhorom hoṛ doko ạri bạndhiyeda, menkhan bedhoromko do noa reakʼ cetʼge bako bujhạua.