Sereńko 71:6 - সান্তালী বাইবেল

⁶ Janam khonge iń do amreń bhorsa akana; ińren eṅgạńakʼ kukhi khon amgem oḍok ạgukedińa. Amge ińren jao okteren sarhaoicʼ kanam.

Sereńko 71:6 Referans Kwoze

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

Jesaea 49:5

Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.

Jesaea 49:1

E sạṅgiń disạmren hoṛko, ińakʼ katha ańjompe; E sạṅgiń jạtrenko, luturakʼ tińpe. Probhu Isor do kukhi khone ḍakao akadińạ; ar eṅgạńakʼ hoṛmoreń tahẽkan khonge uni do ińakʼ ńutume ńum akatʼtińa.

Sereńko 34:1

Iń do sanam okte Probhu Isoriń sarhaoea; ińakʼ mocare uniyakʼ sereń do mitʼtalaoge tahena.

Jirimiạ 3:4

Am do cetʼ ńitge hohoate bam metadińạ, ‘E baba, am do ińakʼ juạn jokhecʼren gate kanam,

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Sereńko 71:14

Menkhan iń do jaoge amreń bhorsakʼa, ar mitʼtalao geń sarhaomea.

Ephesiko lạgitʼ Pạul Apostolakʼ ciṭhi 5:20

Siń sạṭupʼ aboren Probhu Jisu Mạsi ńutumte Isor Baba gun manao joharaepe.

Sereńko 22:11

Am do iń khon pharakre alom tahena, ente ińakʼ muhin do sor hijukʼ kana, iń goṛowạń lạgitʼ do celege bạnukʼkoa.

Sereńko 40:4

Bhạgangeae uni hoṛ do, okoe do Probhu Isor cetanreye bhorsakʼ kan, ar onko secʼ bae ruạṛkan one onko bạḍại ar eṛeyakʼreko tahenkan.