Sereńko 71:23 - সান্তালী বাইবেল

²³ Iń do tinre amiń sarhao sereńama unre ińakʼ moca do rạskạteye andoṛa; ińakʼ ontor do ame õṛhẽ sereńama, ente amge iń dom chaḍao akadińạ.

Sereńko 71:23 Referans Kwoze

Sereńko 104:33

Iń do goṭa jionge Probhu Isor ńutumteń sereńa; tinạkʼ din jiwetʼ iń tahena unạkʼ din ińren Isor ńutumte sarhao sereńiń sereńa.

Sereńko 103:4

Uni do patal puri khon amakʼ jiwiye owaretʼtama; uni do asambheṛ dulạṛ ar dayateye esetʼ ạcuretʼmea.

Sereńko 34:22

Probhu Isorge acʼren golamkoe chaḍaoetʼkoa; okoe unireko hirlạkʼkan okoehõ onko do sạjại bako ńama.

2 Samuel 4:9

Dạud do Berotren Rimon hoṛren hopon Rekab ar uniren boeha Bana tạkine metatʼkinạ, “Okoe do sanam lekan muhin khone rukhiyạ akadiń uni jiwetʼ Probhu Isorre kiriạkateń meneda,

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”