Sereńko 71:22 - সান্তালী বাইবেল

²² E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Sereńko 71:22 Referans Kwoze

2 Rapajko 19:22

Am do okoeyem henosta akadea? Ar okoe upạrte opoman reakʼ katham roṛeda? Am do okoe upạrtem kikiạukʼ kana ar okoe cetantem beṅgetʼ parom akada? Am do Israelren uni sonoticʼ upạrtege noakom nonka akada.

Sereńko 33:2

Peṛesaṅ banamate Probhu Isor do gun manao joharae pe; ar gel taranakʼ banamkote õṛhẽ sereńaepe.

Sereńko 89:18

Aboren raj do Israelren uni sonoticʼe bahal akadea; aboakʼ ona ḍhal do Probhu Isorgeye bahal akadea.

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Sereńko 144:9

E Isor, am ńutumte nãwãnakʼ iń sereńa; ar gel taranakʼ banamte amiń oṛhẽ sereńama.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Jesaea 5:16

Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Sereńko 138:2

Amakʼ sonot oṛakʼ secʼ samaṅkateń ḍoboga, ar amakʼ asambheṛ dulạṛ ar pạtiạrtetʼ iạte amiń gun manao joharama; ente amakʼ gokʼakʼ purạu lạgitʼ oka lekam sodorakan ona do amakʼ namḍak khon hõ maraṅgea.

Sereńko 89:1

Iń do jaejugge Probhu Isorakʼ asambheṛ dulạṛ reakʼ iń sereńa; ar bõske bõs sanamko samaṅre amakʼ pạtiạrtetʼ reakʼ kathań lại jạhira.

Sereńko 78:41

Onko do ghane ghane Isorko biḍạukedea, ar Israelren uni sonoticʼko duk ocokedea.

Sereńko 56:4

Okoeyakʼ katha reakʼ iń sarhaoetʼkan, uni Isor cetanre, hẽ, uni Isor cetanrege iń doń bhorsa akana; Iń do bạń botorokʼa manwa do cetʼko cekayiń baṅ?

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Romiko lạgitʼ Pạul Apostolakʼ ciṭhi 15:8

Baḍaekakʼpe, Isorakʼ katha je sạriyakʼkan ona sạbud lạgitʼge Mạsi do Jihudikoren sapʼ dapʼicʼe hoylena. Noa reakʼ monsubạ do tahẽkana, Isor do hapṛamko ṭhen okae gokʼletʼ tahẽkan ona jemon purạukʼ ar uniyakʼ daya iạte boṅgan hoṛ jạtrenko hõ uniko sarhaoe.

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Sereńko 98:4

Dhạrtiren sanam hoṛ, ape do Probhu Isor ńutumte rạskạkʼpe; ar rạskạte andoṛpe ar sarhao sereńpe.

Sereńko 98:5

Peṛesaṅ banamate ar mońj rạṛte Probhu Isor do sarhao sereńaepe.