Sereńko 71:18 - সান্তালী বাইবেল

¹⁸ E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Sereńko 71:18 Referans Kwoze

Jesaea 46:4

Apeakʼ haṛam pạṛiạ hạbicʼ hõ iń doń ini kangea ar apeakʼ bohokʼ upʼ pạnḍukʼ hạbicʼ hõ apeń ghõṛapea, Ińgeń benao akatʼpea, ar ińgeń heo pea; ińgeń ghõṛapea ariń rukhiyạpea.

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

Sereńko 78:4

Onkoren bõsko ṭhen ona do babon oko dohokakʼa; abo do tayom piṛhirenko ṭhen Probhu Isorakʼ sarhaoanakʼ kạmi reakʼ katha bon lạiya; ar uniyakʼ daṛe reakʼ katha ar uni okako hahaṛa kạmiye kạmiakatʼ ona reakʼ katha hõ bon lạiya.

Sereńko 78:6

jemon tayom piṛhirenko hõ onako baḍae daṛeakʼ ar akoren gidrạko ṭhen onako lại daṛeakʼ.

Sereńko 22:31

Okoeko ńit hõ bako janam akan, onko ṭhen senkate Hoṛko do uniyakʼ dhorom reakʼ kathako lại jạhira; arko mena, unige noako doe kạmi akada.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

1 Samuel 4:18

Isorakʼ goha sinduk reakʼ katha ańjomtora Eli do phaṭok duạr aṛere acʼakʼ mạci khon tayom secʼe guṛdạu ńurena. Onate uniyakʼ hoṭokʼ do rạputʼentaea are gocʼena, enteye haṛam thalakʼ thulukʼ caba akan tahẽkana ar hoṛmo hõ bhạrige tahẽkantaea. Uni do pongel bochor Israelkoakʼe bicạrletʼtakoa.

Aposkạmi 13:36

“Dạud do ona piṛhiren hoṛko modre Isorakʼ monejoṅakʼe purạuketʼ tayome gocʼena. Ar uniren hapṛamko sãoteko topakede khan uniyakʼ hoṛmo do nosṭoyena.

Jesaea 53:1

Abo emakʼ sombat do okoeye pạtiạu akawada? Probhu Isorakʼ daṛeanakʼ sopo do okoe ṭhen sodorlena?

1 Samuel 4:15

Unre Eliyakʼ umer do aregel irạl bochor hoyakantae tahẽkana. Ar mẽtʼ reakʼ ńeńel daṛe do nijor akantae tahẽkante ńeńel hõ bae ńeńelkan tahẽkana.

Exodus 13:8

Enhilokʼ ape do aperen hoponkope metakoa, ‘Misor disạm khon tinreń oḍok hecʼlena unre Probhu Isor iń lạgitʼ okae cekaletʼ ona disạite noań onkayeda.’

Genesis 27:1

Haṛam umerre Isahak do mẽtʼ reakʼ ńeńel daṛe nunạkʼ kom idiyentaea, uni do ar bae ńeńelkan tahẽkana. Uni do mitʼ din acʼren maraṅicʼ hopon Esau hohoadeteye metadea, “E beṭa.” Esaue roṛ ruạṛkeda, “Hẽ baba.”

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.