Sereńko 71:15 - সান্তালী বাইবেল

¹⁵ Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.

Sereńko 71:15 Referans Kwoze

Sereńko 40:5

E ińren Probhu Isor, ḍhergetama amakʼ hahaṛa kạmiko do! Ale lạgitʼ okaṭakʼem goṭa akatʼ! Onań roṛ sodorlere, ariń lạilere ona do tishõ baṅ mucạdokʼa. Ar am leka do okoe menaea?

Sereńko 35:28

Iń do alaṅte amakʼ dhorom bicạr reakʼ kathań roṛa, ar goṭa dinge amiń sarhao sereńa ma.

Sereńko 145:2

Din hilokʼ iń do amiń sarhaomea; ar jaejug amiń gun manao joharama.

Sereńko 71:8

Ińakʼ mocare amakʼ sarhao sereń do perecʼge tahena, ona do goṭa dinge amakʼ sarhaokʼ reakʼ kathae roṛeda.

Sereńko 89:16

Goṭa dinge am iạteko rạskạkʼ kana; amakʼ dhoromge onko do coṭteye rakapʼetʼkoa.

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Sereńko 30:12

Jemon ińakʼ ontor hape alo tahentiń bickom am lạgitʼgeń sereń. E Probhu, ińren Isor, iń do jaejug amiń sarhaomea.

Sereńko 40:12

ente aema muhinteń esetʼ ạcurakana; kại do ińe khudạu edeńkana ar ińreye hecʼ paṛao akana. Iń do bạń ńeńel kana; lekhare onako do ińakʼ bohokʼ upʼ khon hõ ḍhergea; dil do ar bạnukʼtińạ.

Bikʼcạrko 5:11

Ańjompe, dakʼ lo ṭhạ̃ire hoṛko doko khae khoyeda; ar Israelakʼ atoren hoṛko lạgitʼ Probhu Isor do bańcaokʼ reakʼe roṛeda. Noa ańjomkate hoṛko do Nagraha reakʼ phaṭok duạr ṭhenko senena.

1 Bõsbudạ 16:23

Dhạrtiren sanam hoṛko, ape do Probhu Isor ńutumte sereńpe; uniyakʼ emakʼ bańcao reakʼ katha dinke din lại pasnaope.

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Sereńko 51:16

Am do janwar dãṛẽ hõ bam kusiyakʼ kana, ar baṅkhan onageń emkema; ar am do jeredokʼakʼ dãṛẽte hõ bam tirpitokʼa.

Sereńko 73:28

Menkhan Isor tulucʼ iń tahen do bhạlạige; Probhu Isor do ińakʼ aotan gaṛiń hoyoco akadea, jemon uniyakʼ sanam kạmi reakʼ kathań porcar daṛeakʼ.

Kạhtukko 5:2

Onate am do boge bạṛicʼ bujhạu reakʼ daṛem ńama, ar amakʼ moca khon ạkil do oḍokʼ hijukʼa.