Sereńko 71:13 - সান্তালী বাইবেল

¹³ Iń upạrtenko do lajao arko maraokʼma; ar okoe muhinre paṛaoiń lạgitʼko kurumuṭukan onko do hirkhạ ar opomanteko danaṅ esedokʼ ma.

Sereńko 71:13 Referans Kwoze

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Sereńko 35:26

Ińakʼ muhin ńelte okoeko rạskạkʼ kan onko sanamge lajao arko opomanokʼma; okoe iń cetante apnarko udugokʼkan onko do lajao ar opomanreko ńurokʼma.

Sereńko 71:24

Ińakʼ moca do siń sạṭupʼ amakʼ kạmi reakʼ kathageye lạiya, ente muhinre paṛao ocoyiń lạgitʼ okoeko kurumuṭukan tahẽkan onko do lajao arko bemanot ocoakana.

Sereńko 109:29

Iń upạrtenko do opomanko horokʼjoṅ ma, ar lajao do aṅgrop lekako oyokokʼma.

Sereńko 35:4

Ar okoe iń gojeńko menjoṅkan onko do lajao ar bemanotreko paṛaokʼma; ar okoe do ińakʼ bạṛicʼ reakʼko soṛojontroyetʼ onko do opomankateko ruạṛ calakʼma.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Sereńko 132:18

Ar uniren bạiriko do lajao reakʼ kicricʼ iń horokʼ ocokoa, menkhan uniyakʼ bohokʼre do jhak jhakaokʼ kan mukuṭ tahena.”

Sereńko 6:10

Ińren bạiriko do sanamkogeko lajao ocokʼa arko botorokʼa; onko doko ruạṛokʼa, ar ackage lajaoreko paṛaokʼa.

Ester 9:2

Okoe do Jihudiko marao utạrkoko menletʼ Jihudiko do onko akromonko lạgitʼ Ahasberos rajakʼ sanam tabe disạmre nij nij nagrahareko jarwayena. Ar onko upạrte celege bako teṅgo daṛeada, ente eṭakʼ sanam jạtren hoṛko do onkoko botorako kan tahẽkana.

Sereńko 70:3

Ar okoe iń ńelteko men, “Besge hoyakana!” Onko hõ lajaokateko ruạṛ calakʼma.