Sereńko 7:17 - সান্তালী বাইবেল

¹⁷ Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Sereńko 7:17 Referans Kwoze

Sereńko 9:2

Iń do amrege hulạs ariń rạskạkʼa. E maraṅ Isor, amakʼ ńutumteń õṛhẽ sereńa.

Sereńko 98:2

Probhu Isor do acʼakʼ bańcao reakʼ kạmiye udukʼ akada; sanam jạtrenko samaṅre acʼakʼ dhorom kạmi reakʼe sodor akada.

Sereńko 111:3

Uniyakʼ kạmi do gun manao ar ṭhonokte perecʼgea, uniyakʼ dhorom do jaejug hạbicʼ tahẽnkana.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Sereńko 92:8

Menkhan E Probhu Isor, am do jaejug hạbicʼ coṭrem tahẽna.

Sereńko 35:28

Iń do alaṅte amakʼ dhorom bicạr reakʼ kathań roṛa, ar goṭa dinge amiń sarhao sereńa ma.

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

Sereńko 51:14

E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 145:7

Ar am tinạkʼem bhạlại akatʼko onko do onako lại baṛaea, ar amakʼ dhorom reakʼ kathakote rạskạteko sereńa.

Sereńko 92:1

E Probhu, maraṅ Isor, gel taranakʼ banamte, binạ banam ar peṛesaṅ banamte am sarhaome reakʼ, amakʼ sarhao sereńam reakʼ, ar setakʼre amakʼ asambheṛ dulạṛ reakʼ katha ar ńindạ jokhecʼ amakʼ pạtiạr reakʼ katha lại jạhir do samani rạskạ reakʼ kana!

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Bikʼcạrko 9:24

Isorgeye nonkakeda jemon Jerubakʼalren eaegel hoponkoakʼ mãyãm cetanre oka behokakʼ hoyakan ona iạte onkoren boeha Abimelek cetanre ar gogocʼ kạmire okoeko gokʼṛokoko tahẽkan onko Sikemren hoṛko cetanre hala ruạṛokʼ.

Bikʼcạrko 9:57

Sekemren hoṛko okaṭakʼko behokletʼ Isor do ona reakʼ paona sạjại onko hõe ematʼkoa. Ar nonkate Jerubakʼalren hopon Jothamakʼ sarap do uni cetanre paṛaoena.

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

Sereńko 140:10

Onko cetanre jolokʼkan aṅgrage baṛe ńurakoma; ar seṅgelre, khạndri ghaḍlakʼre onko doko khadle giḍi ocokʼma; jemon tishõ onḍe khon aloko rakapʼ daṛeakʼ.