Sereńko 69:36 - সান্তালী বাইবেল

³⁶ Ar uniren golamren bõsren hoṛko do ạidạri lekate onako ńama, ar okoe uniko dulạṛe onko do onḍeko tahena.

Sereńko 69:36 Referans Kwoze

Sereńko 102:28

Amren golamren gidrạko do jiwetʼgeko tahena; onkoren bõsko do am samaṅre ṭarhao akanko tahena.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Jesaea 61:9

Boṅgan hoṛ jạtrenko talare onkoren bõsko ar hoṛko talare onkoren hoponko doko ńum ńamokʼa. Ar okoe onkoko ńelko onko jotogeko bujhạu daṛeakʼa, onko jạtrenko do Probhu Isore bhor akatʼkoa mente.”

Sereńko 91:14

Probhu Isore meneda, “Dulạṛte okoye sabeńkan, uni doń rukhiyạyea; ar muhin khoniń bańcaoea, ente uni do ińe oromakadińạ.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.