Sereńko 69:35 - সান্তালী বাইবেল

³⁵ Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Sereńko 69:35 Referans Kwoze

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Jesaea 14:32

Boṅgan hoṛ jạtren goḍetko do cetʼ roṛ ruạṛ emakoa? Onko do noage metakoa, “Probhu Isor do Sione bạisạu akada ar onare santaokʼkan uniren hoṛ do asrayko ńama.”

Sereńko 102:16

Probhu Isor do arhõ Sione teṅgo aroeya, ar uni do acʼakʼ ṭhonokteye ńel ocokʼa.

Sereńko 102:13

Am do Sion baṛe mãyãwakʼme ente uni dayawae reakʼ okte hoyakana, ar niṭ akatʼ somoe hõ seṭerakana.

1 Bõsbudạ 16:32

Doreão ar ona bhitri reakʼ jotowakʼ do hińjrạukʼ rakabokʼma; ṭạnḍi ar ona reakʼ jotowakʼko hulạsokʼma.

Sereńko 145:10

E Probhu Isor, am okam sirjạu akatʼ onako do amgeye sarhaomea; ar am botoram kanko do amko gun manao joharama.

Sereńko 145:21

Ińakʼ moca do Probhu Isorakʼgeye sarhao sereńa; ar sanam jiwiyanko do piṛhike piṛhi uniyakʼ sonottetʼko sarhaotaea.

Sereńko 148:4

E serma, uni sarhaoeme; E serma cetan reakʼ dakʼ, uni sarhaoeme.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.