Sereńko 69:33 - সান্তালী বাইবেল

³³ Probhu Isor do nacarkoakʼ kathae ańjoma; ar uniren hoṛko, okoe do bundi dosare menakʼko, onko do nicạṛ mẽtʼte bae ńelkoa.

Sereńko 69:33 Referans Kwoze

Sereńko 68:6

Apnarakʼ mente okoeyakʼ bạnukʼtae uni do acʼakʼ gharońjren hoṛe hoeocoyetʼkoa; ar bondiko chaḍaokate bhạlại secʼe idiyetʼkoa, menkhan uni tạkicʼ daram edekanko do khaṅgoṭ disomreko tahenkana.

Sereńko 146:7

Uni do santao ocokʼkanko hok reakʼe bicạrtakoa ar reṅgecʼko do jomakʼe emakokana; Probhu Isorge bondi akankoe chaḍaoetʼkoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Sereńko 107:10

Onko do ńutre, kaṛaṅ ńutreko duṛupʼ akan tahẽkana, ar bondi akanko do dukte ar mẽṛhẽtʼ reakʼ sikṛiteko kosṭokʼkan tahẽkana;

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Sereńko 34:3

Iń sãote Probhu Isorakʼ ṭhonok reakʼ katha roṛpe; Dela, abo do mitʼ sãote uni bon sarhaoe ma.

Amos 5:4

Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.