Sereńko 69:25 - সান্তালী বাইবেল

²⁵ Onkoakʼ tahen jaega do ujạṛakʼge hoyokʼma; onkoakʼ tạmbure cele hõ aloko tahenma.

Sereńko 69:25 Referans Kwoze

Aposkạmi 1:20

Patrase menkeda “Sonot sostorre sereńko reakʼ puthire olakana, uniyakʼ oṛakʼ do ujạṛokʼma; onare okoe hõ aloko tahenma, ar uniyakʼ cetan hudạ do eṭakʼ hoṛe hataoma.

Mathae 23:38

E Jerusalemren hoṛko, apeakʼ oṛakʼ do ujạṛokʼa.

Luk 13:35

Ńelpe, apeakʼ oṛakʼ do ape samaṅre khạlige tahena. Ińiń metapekana, tin hạbicʼ ạuripe men, ‘bhorangeae Probhu Isor ńutumte daraekanicʼ do,’ unhạbicʼ iń do ar bape ńel ńameńa.”

Jesaea 6:11

Unre iń doń menkeda, “E Probhu Isor, ar tinạkʼ din?” Uni doe roṛ ruạṛạdińa, “Tinạkʼ din nagrahako baṅ marao utạrokʼ, oṛakʼ-duạr baṅ ujạṛokʼ ar khet-baṛgeko baṅ jarkharokʼ;

Jesaea 5:1

Ińiń dulạṛede kan lạgitʼ do mitʼṭecʼ sereńiń sereńa, uniyakʼ darkha bagwan reaṅakʼgeń sereńa. Burure mitʼṭecʼ bhage hasawan jaegare ińren dulạṛiạwakʼ mitʼṭecʼ darkha bagwan tahẽkana.

1 Rapajko 9:8

Niạ mundil do ńitokʼ maraṅ utạrakʼ hoyakanre hõ unre ona aṛete okoeko parom calakʼ onko do unreko comkao godokʼa ar cigạrikateko mena, ‘Probhu Isor do cedakʼ niạ disạm ar niạ mundil doe nonka ocokeda?’