Sereńko 69:20 - সান্তালী বাইবেল

²⁰ Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Sereńko 69:20 Referans Kwoze

Jesaea 63:5

Iń doń beṅgetʼkeda, menkhan gokʼṛoko do celege bạń ńamletʼkoa; ar iń doń hahaṛayena, ar okoehõ bako goṛowạdińa. Ona iạte nijakʼ daṛetege babańcao reakʼ iń kạmikeda, ar ińakʼ edre doe khĩs ocokedińa.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Mark 14:50

Unre celako do uniko ńir bạgiyadea.

Jobakʼ 16:2

“Nonkan katha do ḍhergeń ańjom akada; ạḍi bạpuṛicʼ jiwi rakʼṛecʼko kangeape ape do!

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Ibriko 11:36

Arhõ eṭakʼko do cigạri arko dal ur ocoyena, hẽ biṛikoteko tol ocolena ar hajot hõko hajot ocolena.

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Mark 14:37

Ona tayom celako ṭhene ruạṛ hecʼen khan jạpitʼ akatʼe ńelketʼkoa. Uni do Patrase metadea, “E Simon, am dom jạpitʼ joṅkana? Mitʼ ghonṭa hõ cetʼ jagwar bam tahẽ daṛeada?

Sereńko 123:4

Aleakʼ jiwi do nirdandakoakʼ henosta ar bạḍạikoakʼ nihạ̃tkote ạḍitetʼ perecʼ akantalea.

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.