Sereńko 69:17 - সান্তালী বাইবেল

¹⁷ Amren golam secʼ khon amakʼ mẽtʼãhã do alom ạcurtama; iń do muskilreń paṛao akana, ńitge roṛ ruạṛạńme baṛe.

Sereńko 69:17 Referans Kwoze

Sereńko 27:9

Iń khon amakʼ mẽtʼãhã alom bedtama, ar edrete amren golam do alom laga ńireńa; amge ińren goṛoyicʼem tahẽ hecʼakana. E Isor, ińren babańcaoicʼ, iń do alom bạgiwạńạ, ar alom giḍi sayeńa.

Sereńko 102:2

Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.

Mathae 27:46

Khan pe baja okte Jisu do ãṭ aṛaṅte hohoateye menkeda, “Eloi Eloi Lama Sabakthani,” metakʼme, “E ińren Isor, E ińren Isor, cedakʼem bạgi giḍiwạdińa?”

Sereńko 70:1

E Isor, bańcaoińme; E Probhu, goṛowạń lạgitʼ dela usạrate hijukʼme.

Sereńko 143:9

E Probhu Isor, ińren bạirikoakʼ ti khon bańcaoińme baṛe, ente iń do amregeń hirlạ akana.

Sereńko 66:14

Onako manot reakʼ katha do mocateń roṛleda, ar muhin hilokʼ hõ onań roṛ akada.

Sereńko 44:24

Cedakʼ mẽtʼãhã dom betʼ akatʼtama? Aleakʼ duk ar santao reakʼ katha do cedakʼem hiṛiń akada?

Sereńko 40:13

E Probhu Isor, dayakate bańcaoińme baṛe; E Probhu Isor, iń goṛowạń lạgitʼ dela usạrate hijukʼme.

Sereńko 13:1

E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

Mathae 26:38

Uniye metatʼkoa, “Gujukʼ dạkhil jiwi lokʼkantińa. Ape do onḍege tahẽ hataṛokʼpe ar iń tulucʼ jagwar akae tahenpe.”

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 22:24

Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.

Rak̕joṅ 3:22

Probhu Isorakʼ asambheṛ dulạṛ iạte bale marao akana, ente uniyakʼ daya do tishõ baṅ cabakʼtaea;