Sereńko 69:16 - সান্তালী বাইবেল

¹⁶ E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 69:16 Referans Kwoze

Sereńko 109:21

Menkhan am do, E Probhu ińren Isor, amakʼ ńutum khạtirte iń baṛe dayawạńme; ar amakʼ dulạṛ do bhagege iạte iń bańcaoińme.

Sereńko 25:16

Iń secʼ ạcurokʼme ar dayawạńme, ente iń do eskar ariń bạpuṛicʼgea.

Sereńko 63:3

Amakʼ asambheṛ dulạṛ ńam joṅ do bańcao tahen khon hõ bogegea; ińakʼ moca do ame sarhaomea.

Mikạ 7:19

Am do arhõ ale cetanrem mãyãkʼkana; ar aleakʼ sanam kạiko dom jaṅga latarketʼtalea ar aleakʼ joto ghạṭko do jalapuri reakʼ khạndri dakʼrem giḍikatalea.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

Sereńko 26:11

Mekhan iń do sạbit colonreń taṛameda; onkoakʼ ti khon chaḍaoińme, ar dayawạńme baṛe.

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Sereńko 36:7

E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.

Sereńko 18:5

Ar patal puri reakʼ barahikoteń tolakana, gujukʼ reakʼ pạsi do iń lạgitʼ oḍao tahẽkana.