Sereńko 68:7 - সান্তালী বাইবেল

⁷ E Isor, am do tinre hahaṅkar talate amren hoṛko laha lahatem calakʼkan tahẽkana, (Sela)

Sereńko 68:7 Referans Kwoze

Exodus 13:21

Probhu Isor do hore udukʼ idiyako lạgitʼ siń do mitʼṭecʼ rimil khunṭire ar ńindạ do marsal emokʼ lạgitʼ seṅgel khunṭire tahẽkate onko laha lahateye calakʼkan tahẽkana. Nonkate onko do siń ar ńindạ jao oktegeko sen daṛeakʼkan tahẽkana.

Bikʼcạrko 5:4

E Probhu Isor, am do tinre Seyir khonem mohnḍayena, Edom disạm khonem oḍokena, unre dhạrti do daldalaoena ar serma khon dakʼem jạṛi ocokeda.

Bikʼcạrko 4:14

Unre Debora do Barake metadea, “Am do laha idikʼme, Probhu Isor do teheńge amakʼ tire Siserae jimạ akadea. Probhu Isor do am laha lahateye senakana. ” Unre Barak do Tabor buru khone pheḍ hecʼena ar uni tayomte gel hajar hoṛko senena.

Mikạ 2:13

Bondi dosa khon ruạṛ hijukʼ lạgitʼ okoe do hore jhij uni do onko laha lahateye calakʼa; onko do phaṭok duạr rạputʼkateko oḍok calakʼa. Probhu Isor, okoe doe onkoren rajkan, uni do onkoe ạyur idikoa.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 146:7

Uni do santao ocokʼkanko hok reakʼe bicạrtakoa ar reṅgecʼko do jomakʼe emakokana; Probhu Isorge bondi akankoe chaḍaoetʼkoa.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;