Sereńko 68:5 - সান্তালী বাইবেল

⁵ Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Sereńko 68:5 Referans Kwoze

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Jirimiạ 49:11

Amren ṭũạr amarko bạgi oṭowakome; iń do onkoakʼ jiwiń rukhiyạitakoa. Amren rạnḍi maejiuko hõ ińreko bhorsakʼma.”

Dosar Biboron 10:18

Uni do ṭũạr amar ar rạnḍikoakʼ hoke chinḍạuetʼtakoa ar ape talareko girobasokʼkan por jạtrenko hõe jom ocoyetʼkote acʼakʼ dulạṛe sodoreda. Are horokʼ bande ocoyetʼkoa.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 72:4

Uniyakʼ rajosṭiren santao ocokʼkan hoṛko cetanre uni do dhorom reakʼe bicạreda; uni do reṅgecʼkoe bańcaoetʼkoa ar sasantaoko doe chirchạturetʼkoa.

Sereńko 10:18

Am dom onka akada, jemon ṭũạr amar ar santaokʼkan hoṛko secʼem teṅgo daṛeakʼ. Jemon niạ dhạrtirenko bako botor ocodaṛeako.

Ephesiko lạgitʼ Pạul Apostolakʼ ciṭhi 5:1

Isorren dulạṛiạ hoponko lekate ape do Isorakʼ lek leka hoyokʼpe.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

Sereńko 33:14

Okoe dhạrtireko girobasokʼ kan onko do acʼakʼ tahen ṭhạ̃i khone beṅgetʼako kana.

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Dosar Biboron 26:15

E Probhu Isor, amakʼ sonot tahen ṭhạ̃i khon baṛe beṅgedme ar amren hoṛ baṛe beṅgetʼakome, metakʼme Israelko baṛe bhoraleme. Aleren hapṛamko ṭhen amakʼ gokʼakʼ lekate toa ar dumur rasate perecʼ okaṭakʼ disạmem emakawatʼle noa disạm hõ bhorakʼtaleme.’

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Sereńko 118:19

Dhorom reakʼ duạrko jhicʼạńpe, jemon onḍe bolokate uniń sarhao daṛeae.

Sereńko 150:6

Sahẽtʼetʼkan sanam jiwiyanko do Probhu Isorko sarhaoema. Probhu Isorakʼge sarhao hoyokʼtae ma.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.