Sereńko 68:29 - সান্তালী বাইবেল

²⁹ Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

Sereńko 68:29 Referans Kwoze

Sereńko 76:11

Ape do aperen Probhu Isor ṭhen manotakʼko dohoype ar ona purạuaepe. Ar okoe doe botoranicʼkan uni lạgitʼ sanam disạm khon hoṛko do dan sandesko ạguiyma.

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

Sereńko 45:12

Tur nagraharen hoponerako do sandesko ạgu daraya; ar ạḍi kisạ̃ṛ hoṛko do amakʼ dayako khoja.

1 Bõsbudạ 29:3

Noa sonot sekʼwa oṛakʼ lạgitʼ okań jogaṛ dohoakatʼ ona chaḍa hõ ińren Isorakʼ oṛakʼ cetanre ińakʼ dulạṛ udug lạgitʼ ńitokʼ ińakʼ sona ar rupạń emeda.

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

2 Bõsbudạ 32:33

Tayomte Hiskiạ do acʼren hapṛamko ṭhene senena ar Dạud bõsrenkoakʼ topa ṭạnḍi aṛereko topakadea. Uniye gujukʼ jokhecʼ Jihudạ ar Jerusalemren sanam hoṛ do uniko manotkedea. Ar uniren hopon Manase do uni bodolteye rajena.

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.