Sereńko 68:27 - সান্তালী বাইবেল

²⁷ Jotoko khon huḍiń utạricʼ Benjạmin, hankoko calakʼkana uniren bõsko, one okoeyakʼ tire do rajakʼ sạjại menakʼ; hanko Jihudi mukhiyạko, okoe doko saṅgege; hanko Sebulonren mukhiyạko ar hankoko calakʼkan Naphtạliren mukhiyạko.

Sereńko 68:27 Referans Kwoze

1 Samuel 9:21

Sạule roṛkeda, “Am do cedakʼ niạ katha dom mitạń kana? Israelkoakʼ sanam gusṭiko modre Benjạmin gusṭige sanam khon huḍiń utạrakʼ kana, ar iń do ona gusṭiren hoṛ kạnạń. Arhõ Benjạmin gusṭiren tinạkʼ bõsko menakʼle onako modre aleakʼ bõsren do celegele baṅkana.”

Jesaea 11:13

Ephrayim reakʼ hiskạ do sạṅgińokʼtakoa ar Jihudạrenko do bạiri mente bako tahena. Ephrayim do Jihudạ cetanre bae hiskạkʼa, Jihudạ hõ Ephrayim sãote bae bạirikʼa.

Sereńko 60:7

Gilead do ińakʼ kana, ar Manase hõ ińakʼge; Ar Ephrayim do ińakʼ bohokʼ aḍokʼakʼ kana, Jihudạ do ińakʼ rajosṭi reakʼ ṭheṅga kana.

Sereńko 47:9

Jạt jạtrenko modre okoe doko maraṅ hudạren kan, onko do mitʼ ṭhenko jarwakʼa, Onko do Abrahamren Isorren hoṛ menkategeko jarwakʼa. Dhạrtiren sanam disạm cakʼlaokoge Isor gobolren kanako, uni do sanamko khone maraṅgea.

1 Bõsbudạ 27:12

Areyakʼ cando lạgitʼ areyakʼ dolren subedar do Anathotiạre Abiyesore tahẽkana; uni do Benjạmin gusṭiren hoṛe tahẽkana. Uniyakʼ dolre bargel pon hajar lạṛhại phạdko tahẽkana.

1 Bõsbudạ 15:3

Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.

1 Bõsbudạ 12:29

Sạulakʼ nij gusṭiren, metakʼme Benjamin gusṭiren pe hajar hoṛ. Menkhan niạ gusṭiren ḍher hoṛge unhõ Sạul gharońjrenko secʼko tahẽkana.

1 Bõsbudạ 12:16

Ona chaḍa Benjạmin gusṭiren eṭakʼ hoṛko ar Jihudạren thoṛa hoṛko do Dạudakʼ gaṛ lekan jaegare uni ṭhenko hecʼlena.

Bikʼcạrko 20:35

Probhu Isor do enhilokʼ Israelkoakʼ tire Benjamin gusṭirenkoe jimạketʼkoa ar onko do bargel mõṛẽ hajar mitʼsae Benjaminren hoṛko gocʼketʼkoa. Onko sanamkoge tarwaṛe calaokoko tahẽkana.

Bikʼcạrko 5:18

Lạṛhạire Sebulonren hoṛko do gujukʼ hạbicʼ jiwiko alaekeda; Napthaliren hoṛko hõ ṭạnḍi reakʼ usul jaegakore.

Genesis 42:32

Ale dole gelbar boehawa, ar mitʼ babaren hoponko kanale. Ale modre mitʼṭen doe gocʼentalea, ar jotoko khon huḍińicʼ do ńitokʼ Kanan disạmre aleren baba ṭhen menaea.’

Numeri 34:21

Benjạminren gusṭiren do Kision hopon Elidad;

2 Samuel 3:19

Abner do Benjạminreko sãote hõ kathae roṛkeda. Ona chaḍa Israelko ar Benjạmin gusṭiren hoṛko okaṭakʼ cekae lạgidokʼko menetʼkan ona sanamakʼ Dạud baḍae ocoye lạgitʼ uni do Hebronteye senena.

Sereńko 26:12

Iń do soman jaegareń teṅgo akana; ar joroko samaṅrege Probhu Isoriń sarhaoea.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.