Sereńko 68:16 - সান্তালী বাইবেল

¹⁶ E aema cuṛạ reakʼ buru, Isor oka burure acʼakʼ tahen reakʼ jaegae bachao akawan am do cedakʼ hiskạte ona secʼem beṅgetʼ akada? Probhu Isorakʼ jaejug reakʼ tahen ṭhạ̃i ma ona kange coṅ.

Sereńko 68:16 Referans Kwoze

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Sereńko 114:6

E usul buruko, cedakʼ ape do bhiḍiko leka don baṛaepe ehopʼena? E huḍiń buruko, ape hõ cedakʼ bhiḍi hoponko lekape don baṛae kana.

Sereńko 114:4

Ar usul buruko do bhiḍi leka, ar huḍiń buruko do bhiḍi hoponko leka don baṛae ehopʼena.

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.