Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.
Israel do Probhu Isor lạgitʼ sonoticʼgeye tahẽkana; uniyakʼ pạhil phosol reakʼ gelege. Ar okoe onako jomketʼko onko do jotoge dusiko hoyena, ar onko sanamko cetanrege muhin do hecʼ paṛaoena. Iń Probhu Isorge noa katha doń meneda.”
Josuạ tinạkʼ din jiwetʼe tahẽkan ar ona tayom dinkore okoe murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko ko ńelleda.
Probhu Isor do onkoakʼ nehõre ańjomketʼtakoa ar Kananrenko do onkoakʼ tireye jimạkatʼkoa. Ar Israel hoponko do onkoakʼ atoko ar nagrahako maraoketʼtakoa. Ona iạte ona jaega reakʼ ńutum do Hormako (ona reakʼ mane do “ḍahao maraokʼ ”) dohokeda.