Sereńko 68:10 - সান্তালী বাইবেল

¹⁰ Ar amren hoṛko do onareko girobaslena; amakʼ bhage sanate, E Isor, am do onkoakʼ okulạnkom meṭaoleda.

Sereńko 68:10 Referans Kwoze

Sereńko 74:19

Amren nui mala potam do kaṭaha janwarko ṭhen alom soprotea ar am santaokan hoṛkoakʼ jion reakʼ katha do tisge alom hiṛińkakʼa.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼ kana ar kala hoṛko ańjomeda; gocʼkoko jiwetʼ beredokʼ kana ar reṅgecʼ orecʼko ṭhen do bhage sombat reakʼ katha lạiyạgokʼ kana.

1 Patras 5:3

ape tabere okoe menakʼko onko cetanre mạliki alope calaoa, bickom nonkanko hoyokʼpe jemon ape ńelteko cetʼ daṛeakʼ.

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Sereńko 78:20

Uni do dhiriye dalkeda ar ona khon dakʼ bumbhạu oḍokena; onate cetʼ uni do piṭhạ hõe em daṛeabona? Uni do cetʼ acʼren hoṛko lạgitʼ jele juṛạu daṛeakʼa?

Sereńko 65:9

Amge dhạrti reakʼ otem hiriakada ar onare dakʼem jạṛiyakʼ kana; amge ona reakʼ sarsao ḍher ocoyme; am ṭhen khonge jạṛi dakʼ do pheḍ hijukʼkana; ar manwako phosolem emako kana. Ar nonkage am do hasam teareda.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

1 Rapajko 8:36

enḍekhan am do serma khon ona ańjomtakome ar amren gutiko, metakʼme amren hoṛ Israelkoakʼ kạiko ikại takome. Ar jionre ṭhik leka calakʼ reakʼ cetʼakome ar somppoti lekate okaṭakʼ disạmem emakawatʼko ona disạm cetanre dakʼ ocoyme.

Sereńko 65:10

Cas akatʼ nahel gaḍako am dom dakʼakʼ kana ar ona reakʼem somankakʼ kana; achaṛ dakʼkote onam lạbitʼeda ar nãwã omonokʼ carakom bhorakʼ kana.

Sereńko 65:11

Bochor do ḍher okocʼ bhortem bhạlại akada; ar amakʼ dãṛãn reakʼ horre asambheṛ bhor do jhurokʼ kana.

Jesaea 40:29

Uni do laṅga akankoe daṛe ocoyetʼkoa ar nijorko do jore emako kana.