Sereńko 65:9 - সান্তালী বাইবেল

⁹ Amge dhạrti reakʼ otem hiriakada ar onare dakʼem jạṛiyakʼ kana; amge ona reakʼ sarsao ḍher ocoyme; am ṭhen khonge jạṛi dakʼ do pheḍ hijukʼkana; ar manwako phosolem emako kana. Ar nonkage am do hasam teareda.

Sereńko 65:9 Referans Kwoze

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Rut reakʼ kạhini 1:6

Naomi do Moab disạmre tahẽkanregeye ańjomkeda, Probhu Isor do acʼren hoṛkoe disạ akatʼkoa ar jomakʼ reakʼe bebosta akatʼkoa. Onate uni do acʼren banar kimintetʼ soṅgekate Moab disạm khon ruạṛ hijukʼ lạgitʼe sapṛaoena.

Genesis 26:12

Isahak do ona bochorge ona disạmreye cas-abadkeda ar mitʼsae doboṛ phosole ńamkeda. Probhu Isor do uniye bhoradea,

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Sereńko 147:14

Amakʼ simạnakore unige sạjạiye dohoyeda, ar joto khon bhage guhumteye tirpitetʼme kana.

Sereńko 107:37

Onko do khetre itạko ereda, ar darkha nạ̃ṛĩko rohoe joṅkana, ar bạ̃ṛti phosolko hoyocoyeda.

Sereńko 65:11

Bochor do ḍher okocʼ bhortem bhạlại akada; ar amakʼ dãṛãn reakʼ horre asambheṛ bhor do jhurokʼ kana.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Jesaea 41:5

Probhu Isorakʼ noa kạmi ńelte sạṅgiń disạmren hoṛ do botor caṛhaoakoa ar dhạrti reakʼ ses simạren hoṛ doko thartharaokʼa. Ar hecʼ sorkate mitʼ ṭhenko jarwakʼa;

Daniel 4:2

Maraṅ Isor iń lạgitʼ okako cinhạ ar hahaṛawakʼkoe kạmi akatʼ ona do kusite apeń baḍae ocoyetʼpea.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.