Sereńko 65:2 - সান্তালী বাইবেল

² E koejoṅ ańjomicʼ, am ṭhenge sanam manwa doko hijukʼa.

Sereńko 65:2 Referans Kwoze

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Sereńko 66:19

Menkhan Isore ańjomakatʼtiń onare jãhãn bhul do bạnukʼ anaṅ; uni do ińakʼ koejoṅe lutur akawada.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

1 Rapajko 18:37

E Probhu Isor roṛ ruạṛạńme baṛe, jemon noko hoṛko baḍae daṛeakʼ, am kangeam Isor do ar amge onkoakʼ monem ạcur ruạṛ akatʼ takoa.”

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)

Sereńko 102:17

Uni do nandankoakʼ koejoṅ reakʼ roṛ ruạṛe emokʼa; onkoakʼ koejoṅ do bae nihạ̃t gidikatakoa.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

1 Rapajko 18:29

Onko do tikin khon tarasiń okte reakʼ janwar samaṅokʼ okte hạbicʼ boktaokʼtegeko tahẽyena. Menkhan jãhãn aṛaṅge bako ńamleda, ar cele hõ bae roṛ ruạṛatʼkoa, ar mone hõ bae moneyatʼkoa.

Sereńko 66:13

Iń do jeredokʼ samaṅokʼakʼante amakʼ oṛakʼteń hijukʼa ar am ṭhen ińakʼ manotakʼkoń purạutińạ.

Sereńko 116:14

Probhu Isor ṭhen okaṭakʼ manotakʼ iń dohoakatʼ ona do uniren sanam hoṛko samaṅreń purạuaea.

Sereńko 116:18

Probhu Isor ṭhen okań manot akatʼ ona do uniren hoṛko samaṅreń purạutińạ;

Nạhum 2:1

E Niniwi, okoeṭakʼ hoṛ doe chiṭiạu giḍikakʼkan uni do am upạrteye hijukʼkana. Pạcri gaṛko cetanre amren lạṛhại phạdko sapṛaokom, ar ḍahar horhoeme, ḍanḍa paṭhe keṭejokʼme ar lạṛhại phạdko jarwakom.