Sereńko 65:13 - সান্তালী বাইবেল

¹³ Mitʼke mitʼ ṭạnḍi do bhiḍi palkote perecʼ akana, ar buru nala do anajkote dalopʼ akana; onako do hulạsteko hohoyeda arko sereńeda.

Sereńko 65:13 Referans Kwoze

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Jirimiạ 48:33

Moabakʼ bagwan reakʼ jo, metakʼme Moab disạm khon rạskạ ar kusi do ocokʼ akana. Iń do darkha lelen kunḍ khon darkha rasań ańjetʼ akada; rạskạ ar hulạsate okoe hõ ona do bako lena. Hoho menakʼgea menkhan rạskạ reakʼ do baṅkana.

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Sereńko 144:13

Aleakʼ murạiko do joto lekan jomakʼte perecʼ tahenma; ar aleren bhiḍiko do gupi ṭạnḍire hajar hajar ar lakh lakh hoponko janamko ma.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Jobakʼ 36:31

Noakote uni do jạt jạtrenkoe bicạretʼkoa ar asambheṛ jomakʼe emako kana.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Joel 2:22

E ṭạnḍiren janwarko, alope botorokʼa, ente ạtiń ṭạnḍi do hạriạ̃ṛ akana. Darekore jo hõ sapʼakana; loa dare ar darkha nạ̃ṛĩ hõ ḍher jo akana.