Sereńko 65:11 - সান্তালী বাইবেল

¹¹ Bochor do ḍher okocʼ bhortem bhạlại akada; ar amakʼ dãṛãn reakʼ horre asambheṛ bhor do jhurokʼ kana.

Sereńko 65:11 Referans Kwoze

Sereńko 103:4

Uni do patal puri khon amakʼ jiwiye owaretʼtama; uni do asambheṛ dulạṛ ar dayateye esetʼ ạcuretʼmea.

Sereńko 5:12

E Probhu Isor, okoe amko botoram, onko cetanre sạrige amakʼ bhor do menakʼgea; ar amakʼ dayate onko do ḍhal lekam danaṅ esetʼ akatʼkoa.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Kạhtukko 14:18

Khaṭo budan hoṛko do lelhawakʼko kạmiya, ar bujhạntar hoṛ do bidiạteko dạhṛikʼa.

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Sereńko 104:3

Amakʼ sermare tahen jaega reakʼ rehetʼ do serma reakʼ dakʼ cetanrem bạisạu akada; ar rimil do amakʼ gạḍim benao akada; ar am do hoe reakʼ phạ̃kṛạkʼtem calakʼ kana.

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,

Jobakʼ 36:28

Rimil do onae upʼ gotʼkakʼ kana, ar manwa cetanre jạṛi dakʼ do ńurokʼkana.

Dosar Biboron 11:12

Ona disạm do Probhu Isorgeye ńel todarotetʼ kana. Bochor reakʼ ehopʼ khon mucạtʼ hạbicʼ uniyakʼ mẽtʼãhã do jao ghuṛi ona disạm cetanre menakʼtaea.

Jobakʼ 5:10

Uni do dhạrtire jạṛi dakʼe emokʼ kana ar jumire dakʼe koleda.

Sereńko 68:10

Ar amren hoṛko do onareko girobaslena; amakʼ bhage sanate, E Isor, am do onkoakʼ okulạnkom meṭaoleda.

Sereńko 104:13

Amakʼ serma reakʼ tahen jaega khon am do buru boṭkocʼko cetanre dakʼem emokʼkana; amakʼ ona kạmi iạte dhạrti doe tirpitokʼ kana.