Sereńko 64:7 - সান্তালী বাইবেল

⁷ Menkhan Isor do onko cetanre sare aṛaga; ar onko do ackage sar bitʼakoa arko bhindạṛokʼa.

Sereńko 64:7 Referans Kwoze

Kạhtukko 6:15

Ona iạte ackage uni cetanre muhin do hijukʼa; ar ṭuṅ ghuṛirege uni doe marao utạrokʼa, ar bae beretʼ daṛeakʼa.

Sereńko 18:14

Uni do sarkoe aṛakʼketʼte bạirikoe chirchạturketʼkoa, ar bijlikoteye andmandaoketʼkoa.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 73:19

Onko do acʼkageko maraokʼa ar botoranakʼ muhinreko caba utạrokʼa.

Jobakʼ 6:4

Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Dosar Biboron 32:23

“Iń do joto lekan muhinko ạgukate onko upạrteń jarwaea; ar ińakʼ sarko do onko cetanreń teraṅa.

Mathae 24:40

Unre bar hoṛ do goḍarekin tahena; mitʼ hoṛ doe idiocokʼa, ar eṭagicʼ doe bạgi oṭokʼa.

1 Rapajko 22:34

Menkhan mitʼṭen hoṛ do ạuṛige acʼakʼ sare aṛakʼketʼ khan ona do Israelren rajakʼ koṛamre bitʼena. Unre raj do acʼren rãt gạḍi cakʼlaoyicʼe metadea, “Rãt gạḍi ạcurkate lạṛhại tala khon oḍok idiyińme. Ente iń do ạḍiń ghạl akana.”

Sereńko 64:4

jemon danaṅ jaega khon dhorom hoṛko secʼ ona sarko aṛakʼ daṛeakʼ; ar onko do ackageko aṛaga ar bako botorokʼa.

Sosolhayic̕ 9:3

Siń cando latarre okako hoyokʼkan ona modre duk reakʼ do hoyokʼkana, sanamko inạ mitʼ dosage hoyokʼtakoa. Ona chaḍa manwa ontor do dukte perecʼgea ar jiwetʼe tahen bhor uniyakʼ ontorre do khepatetʼ tahena, ar ona tayom uni doe gujukʼa.

Jirimiạ 17:9

“Mon do sanamakʼ khon ṭhokgea, ona do oka lekate hõ baṅ bogekʼa. Manwa ontor do okoe hõ bae bujhạu daṛeakʼa.