Sereńko 64:6 - সান্তালী বাইবেল

⁶ Onko do bedhorom reakʼ motlob aṭaokateko mena, “Abo do sanam secʼ hudis cintạkate mitʼṭecʼ bon goṭayeda.” Sạrige manwa mon ar ontor reakʼ khạndritetʼ do ohoge jokha daṛelena.

Sereńko 64:6 Referans Kwoze

Mathae 26:59

Unre maraṅ naekeko ar maraṅ bạisiren sanam hoṛko do Jisu goje lạgitʼ eṛe gohakoko ńam baṛayetʼko tahẽkana.

Sereńko 5:9

Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

Kạhtukko 20:5

Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.

Sereńko 35:11

Santaoko do eṛe goha emokʼ lạgitʼko hijukʼkana, ar oka bạń baḍae ona reaṅko jerayedeń kana.

1 Samuel 25:10

Nabal do Dạudren hoṛkoe roṛ ruạṛatʼkoa, “Okoe kanae Dạud do? Ar Jisạiren hopon baṅe cele kan? Nebetar do ḍher gutikoge akoren kisạ̃ṛ bạgikateko calakʼ kana.

1 Samuel 24:9

Ar ona tayom do Sạule metadea, “Cedakʼ hoṛkoakʼ kathate ben pạtiạukʼ kana ạliń do abenakʼ loksan taben lạgitʼ liń kurumuṭu kana mente.

Sereńko 49:11

Onko doko hudisa akoakʼ oṛakʼ duạr do tahengetakoa, ar tahen ṭhạ̃i hõ piṛhike piṛhi ṭikạu tahena, onate akoakʼ ńutumtege onko do sompotti reakʼ ńutumko emeda.

1 Samuel 22:9

Edomren hoṛ Doeg do unre Sạulren kạmiyạko sorregeye tahẽkana. Uni doe menkeda, “Iń do Jisạiren hopon Nob atore Ahiṭubren hopon Ahimelek ṭhen senokʼ iń ńelakadea.

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Genesis 39:15

Ar ińakʼ kạumạu ańjomte uni do acʼakʼ kicricʼ iń ṭhen bhạnduṛ oṭokate bahreteye ńir oḍokena.”

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”