Sereńko 64:5 - সান্তালী বাইবেল

⁵ Onkoakʼ bạṛicʼ goṭawakʼ doko diṛho ocoya, ar oko okote pạsi oḍao reakʼko solhaya; onko doko mena, “Okoe hõ onte do bako beṅgeda.”

Sereńko 64:5 Referans Kwoze

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Jeheskel 8:12

Uni do ińe metadińạ, “E manwa hopon, Israelkoren murubbiko ńutre apan ạpin oṛakʼren boṅgako ṭhen cetʼko cekayetʼkan dom bujhạu daṛeakʼ kangea? Onkoko meneda, ‘Probhu Isor do ale secʼ bae beṅgetʼeda, ente uni do disạm bạgikateye calao akana.’ ”

Sereńko 94:7

Onkoko meneda, “Note do Probhu Isorakʼ mẽtʼ bạnukʼa; Jakobren Isor do bae moneyakʼa.”

Sereńko 59:7

Ńelme, onko do moca khon cokakʼ baklakʼko oḍokeda, onkoakʼ luṭi khon do tarwaṛe oḍokokʼ kana onko doko meneda, “Aboakʼ katha do okoe hõ bako ańjom ńama.”

Jobakʼ 22:13

Enhõm meneda, ‘Isor do cetʼ jãhãnakʼe baḍaea? Niạ ńutre Isor do cekateye bicạra?

Jesaea 41:6

onko do ako akoko gopoṛokʼa ar apan ạpin boehako metakoa, “Dil akae tahenpe.”

Sereńko 124:7

Aboakʼ jiwi do cẽṛe leka paskaoena jhạkʼlikoakʼ pạsi khon; pạsi topakʼena ar abo do rukhiyạ bon ńamkeda.

Numeri 22:6

Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

Mathae 23:15

“Hae, ape sostor baḍaeko, Phạrusiko ar phạsiạrako do! Eken mitʼ hoṛ apeakʼ dhoromre ạguiye lạgitʼ dhạrti reakʼ oka jaegare bape dãṛãn kana. Ar aperen celae hoylenre uni do ape khon hõ bạ̃ṛti norokre khadlekʼ lekpe hoeocoyedea.

Genesis 20:13

Isor do tinre iń babawakʼ oṛakʼ khone oḍok ạgukedińa unre iń do ińren bạhuń metade tahẽkana, ‘Ińem dulạṛedeń kan ona do nonkatege udugme. Alaṅ do jãhãrege laṅ calakʼ, am do boeha mentem lạiyeńa.’”

Bikʼcạrko 20:22

Unre Israelko do senkate ạyupʼ hạbicʼ Probhu Isor ṭhen rakʼateko menkeda, “Ale do cetʼ aleren boeha Benjaminko upạrte arhõ lạṛhại lạgitʼle rakapʼ calakʼa?” Probhu Isor doe roṛ ruạṛatʼkoa, “Do calakʼpe.” Ar noa iạte Israelren lạṛhại phạdko do dil salakʼ pạhil din oka jaegareko lạṛhại len onḍege arhõ lạṛhại lạgitʼko sapṛaoena.