Sereńko 62:9 - সান্তালী বাইবেল

⁹ Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

Sereńko 62:9 Referans Kwoze

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Jesaea 40:17

Jạt jạtrenko do uni samaṅre cele hõko baṅkana; onko do celege bae moneyetʼkoa; uni ṭhen do ạuṛiyakʼgeko lekhakʼ kana.

Jesaea 40:15

Ńelpe, boṅgan hoṛ jạtrenko do kanḍa reakʼ mitʼ ṭhopʼ dakʼ lekanako; onko do tulạ reakʼ dhuṛi baraggeko lekhakʼ kana. Jalapuri reakʼ ṭạpuko do lemeń dhuṛi lekae tul rakapʼeda.

Sereńko 118:9

Cetan hudạren hoṛko cetanre bhorsa baṅkate Probhu Isorre bhorsakʼge bhagea.

Sereńko 39:11

Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Romiko lạgitʼ Pạul Apostolakʼ ciṭhi 3:4

Khạṭige baṅa. Sanam manwako eṛegere hõ Isor do jao okteye sạrigea. Sonot sostorre ol menakʼa, jemon amakʼ kathakore dhoromem ṭarhaokʼ arem bicạrokʼre dom jitạukʼ.

Sereńko 116:11

Iń doń botorlena, “Ente sanam manwageko eṛegea.”

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

2 Samuel 15:6

Israelren tinạkʼ hoṛ raj ṭhen bicạr lạgitʼko hijukʼkan tahẽkan Absalom do onko tulucʼ nonkageye beoharetʼ tahẽkana. Nonkate uni do Israelkoakʼ mone kombṛoyetʼtako tahẽkana.

1 Samuel 23:12

Unire Dạud do arhõe kuliyana, “Kayilaren hoṛ do cetʼ iń ar ińren hoṛko Sạulakʼ tireko soprotlea?” Probhu Isore menkeda, “Hẽ, soprotmegeako.”

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.

Johan 19:15

Onate onko do ãṭ aṛaṅte hohowateko menkeda, “Idiyem, idiyem ar kurus kaeme.” Pilạte metatʼkoa, “Aperen raj do cetʼ ińiń kuruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Mathae 21:9

Ar Jisu laha lahate calakʼkan ar pańjayedekan gadel hoṛko do ãṭ aṛaṅte hohoate memenko ehopʼena, “Hosanna, Dạudren Hopon! Bhorangeae Probhu Isor ńutumte hijukʼkạnicʼ do. Coṭ utạrre Hosanna!”

Daniel 5:27

TEKEL, metakʼme sosoṅakʼ tulạre am doe soṅakatʼmea ar am dom komaogea.

1 Samuel 18:7

Onko do enecʼ enecʼte niạko sereńkeda, “Sạul doe gocʼketʼkoa hajarke hajar, Dạud doe gocʼketʼkoa ojute ojut.”

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.

2 Rapajko 19:14

Hiskiạ do goḍetkoakʼ ti khon ciṭhi hataokateye paṛhaokeda. Ona tayom uni do Probhu Isorakʼ oṛakʼte bolokate Probhu Isor samaṅre ciṭhiye samaṅkeda.

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Sereńko 142:3

Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.