Sereńko 62:8 - সান্তালী বাইবেল

⁸ E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Sereńko 62:8 Referans Kwoze

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Jesaea 26:4

Ape do Probhu Isorre jaejug bhorsa akan tahenpe, ente Probhu, Isor do jaejugren asray buru kanae.

Sereńko 142:2

Ar duk reakʼ katha do uni samaṅreń phuṭạueda, ar ińakʼ kosṭo reakʼ katha hõ uni samaṅreń lạiyeda.

1 Samuel 1:15

Hanna doe roṛ ruạṛkeda, “E ińren Baba, ona do baṅa. Iń do mitʼṭen dukhi hoṛ kạnạń; iń do darkha rasa hõ bạń ńũ akada, ar bubulakʼ hõ bạń ńũ akada. Iń do Probhu Isor samaṅre ińakʼ ontorgeń duletʼtiń tahẽkana.

Sereńko 18:2

Probhu Isorge ińren usul buru, unige ińakʼ aotan gaṛ ar ińren babańcaoicʼ; ar ińren Isorge ińren usul buru, unirege iń do asrayiń hataoeda. Uni do ińren dhal kanae, rurukhiyạicʼ dereńge, ar ińakʼ asray gaṛge.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

1 Johan 2:28

E hoponińko, onateń metapekana, ape do Mạsirege tahenpe jemon uniye sodorokʼre dil akae bon tahen are hijukʼre uni samaṅre lajaore alo bon paṛaokʼ.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Sereńko 3:4

Iń do ãṭ aṛaṅte Probhu Isoriń hohowae kana. Uni do acʼakʼ sonot buru khone roṛ ruạṛạńạ. (Sela)

Sereńko 46:2

Dhạrti dal dalaolenre hõ, buruko jalapurire dasao ńurlenre hõ, ona reakʼ dakʼko se rakapʼkate photolenre hõ ar ḍheoko reakʼ tạpiste buruko dal dalaolenre hõ, enhõ abo do oho bon botorlena.

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Sereńko 91:2

Probhu Isor reaṅ do noageń mena, “Unige ińren asray ar ińren gaṛ do; uni kangea ińren Isor do one unireń ṭehãḍakan.”

Sereńko 94:22

Menkhan Probhu Isorge ińren aotan gaṛ do; ar ińren Isorge ińren asray buru.