Sereńko 62:3 - সান্তালী বাইবেল

³ Mitʼṭen manwa cetanre ar tinạkʼ din noako santao dope calaoa; jemon laḍe akan bhit ar liḍạlaḍeakʼ eṭetʼakʼ leka jotokote unipe khũn daṛeae?

Sereńko 62:3 Referans Kwoze

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Sereńko 140:2

Onko do mon monte bạṛicʼ phundiko aṭaoa ar din hilokʼko jhogṛakʼa.

Sereńko 82:2

“Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Sereńko 38:12

Okoe do iń gojeńko menjoṅkan onko do iń lạgitʼ pạsiko oḍao akada; okoe iń hạneńko menjoṅkan onko do maraoiń reakʼ botorko udukʼạń kana; goṭa din onko do ṭhokayiń reakʼ phundiko aṭaoeda.

Sereńko 21:11

Onko do am upạrte bạṛicʼ sopolha ar bạṛicʼakʼ reakʼko goṭayetʼre hõ, onko do onare ohoko jitạu daṛelena.

Exodus 16:28

Unre Probhu Isor do Moseye metadea, “Ar tinạkʼ din ape do ińakʼ hukum ar ińakʼ solhako bape manaoa?

Hosea 7:15

Iń do lạṛhại reakʼ cecetʼakʼ iń em akatʼkoa ariń daṛe ocoakatʼkoa, menkhan onko do iń upạrtege bạṛicʼakʼko soṛojontroyetʼ kana.

Sereńko 4:2

E manwa, ar tinạkʼ hạbicʼ iń dope henostayińạ? Ar tinạkʼ din bạṛicʼakʼpe dulạṛa ar tinạkʼ din eṛeakʼpe ńam baṛaea? (Sela)

Kạhtukko 6:9

E asketicʼ, ar tin hạbicʼem giticʼkokʼa? Tinre jạpitʼ khon dom beretʼa?

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Sereńko 16:8

Probhu Isor do jaoge iń samaṅreń ńelekana; uni do ińakʼ jojomsa aṛere menaete iń doń ṭarhao akana.

Sereńko 18:3

Probhu Isor do sarhao ńam lek kanae, iń do uniń hohowae kana; onate ińren bạirikoakʼ ti khone rukhiyạyińạ.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Aposkạmi 24:9

Ar Jihudiko hõ noa katha do sạrikana menteko suhi akada.