Sereńko 61:8 - সান্তালী বাইবেল

⁸ Iń do jaejug hạbicʼ iń sarhaomea, ar dinke din ińakʼ manotakʼ iń purạua ma.

Sereńko 61:8 Referans Kwoze

Sereńko 65:1

E Isor, Sionre amakʼ sarhao do guṛumre hoyokʼkana; aleakʼ joto manotakʼ do am lạgitʼ purunokʼa.

Sereńko 79:13

Enḍekhan ale, amren hoṛ, okoe do gupi ṭạnḍiren bhiḍiko kanle, ale do jaejug hạbicʼle gun manao joharama ar piṛhi cetan piṛhi le sarhaomea.

Sereńko 71:22

E ińren Isor, amakʼ pạtiạrtetʼ iạte iń do taranakʼ banam seletʼ iń sarhaomea; E Israelren sonoticʼ, iń do peṛesaṅ banamateń sarhao sereńama.

Sereńko 146:2

Iń do goṭa jionge Probhu Isoriń sarhaoea; tinạkʼ din jiwetʼ iń tahena unạkʼ din Isorgeń sarhao sereńaea.

Sereńko 30:12

Jemon ińakʼ ontor hape alo tahentiń bickom am lạgitʼgeń sereń. E Probhu, ińren Isor, iń do jaejug amiń sarhaomea.

2 Samuel 15:20

Hola gem hecʼakana. Ar teheńge ale tulucʼ ṭahapʼ ṭạṭupʼ dãṛãbãṛa ocome do ṭhikakʼ baṅ hoyokʼa? Ińge bạń baḍaea iń do okateń calakʼ kana. Do ruạṛ calakʼme ar amakʼ disạmren hoṛko soṅgete idi torakom. Asambheṛ dulạṛ ar pạtiạrge ape tulucʼ baṛe tahenma.”

Sereńko 40:12

ente aema muhinteń esetʼ ạcurakana; kại do ińe khudạu edeńkana ar ińreye hecʼ paṛao akana. Iń do bạń ńeńel kana; lekhare onako do ińakʼ bohokʼ upʼ khon hõ ḍhergea; dil do ar bạnukʼtińạ.

Sereńko 89:5

E Probhu Isor, serma reakʼ sanamakʼ do amakʼ maraṅ kạmi reakʼe oṛhẽ sereńetʼkana, sonot goḍetko talare amakʼ pạtiạrtetʼko sarhaoeda.