Sereńko 60:2 - সান্তালী বাইবেল

² Am do dhạrtim daldalao ocoyeda, arem paṛakʼ ocoyeda; am do ona paṛakʼko bondme, ente disạm do ḍikạ ḍakekʼ kana.

Sereńko 60:2 Referans Kwoze

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jeheskel 34:16

Ar okoeko atʼakan onkoń sendra ạgukoa ar okoe do eṭakʼ hor secʼko ghańjeṛ akan onko doń ruạṛ ạgukoa. Ar hạn akanko do ghaokoń bedhaokatakoa ar nijorko do jorankoń hoyocokoa, menkhan lodgopʼ ar daṛeanko doń marao giḍikoa, ente iń do dhorom reakʼ bicạr talate ińren palrenkoń ńel jutkoa.

Jirimiạ 48:38

Moab reakʼ sanam oṛakʼ chatkore, nagraha reakʼ kulhi ar dobạṭiạkore homor halaṅ chaḍa ar cetʼge baṅ ańjomokʼ kana, ente okaṭakʼ bhajan celege bako bạsutakʼkan onkage Moab doń rạputʼ gejer akadea.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 4:24

Buruko secʼ iń beṅgetʼkeda, onako do dal dalaokʼ kana; ar ḍuṅgriko do ḍikạ ḍakekʼ kana.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Habakkuk 3:10

Buru-ḍuṅgriko do am ńelteko dal dalaokʼkana. Ar dakʼ do botorge ạtukʼkana; athantar dakʼ do acʼakʼ aṛaṅe ańjom ocoyeda, ar ḍheoko do cetanreye rakapʼ ocoyeda.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Jirimiạ 14:17

“Am do hoṛko noa katham metakoa, ‘siń ńindạ ińakʼ mẽtʼ khon mẽtʼ dakʼ jorokʼma, ente iń jạtren kũạri kuṛiko do ạḍiko ghạl akana.

Sereńko 114:7

E dhạrti, Probhu Isor samaṅre, Jakobren Isor samaṅre thartharaokʼme.

Jobakʼ 9:6

Acʼakʼ jaega khon pirthimi doe dal dalaoa, ona reakʼ khunṭikoe thar tharao ocoya.

Jesaea 7:8

ente Aramren matha Damesek baṅ cetʼ ar Damesekren matha Resin raj baṅe cele kan? Turuigel mõṛẽ bochor bhitrite Ephrayem do nonkae marao utạrokʼa je, jạtrenko lekate uni do ar bae tahena.

Sereńko 104:32

Uni do dhạrti secʼe beṅgetʼ lekhan ona do thar tharaokʼa; uniyakʼ joṭetʼte buru boṭkocʼ khon dhũạ oḍokokʼa.

Sereńko 89:40

Uniyakʼ rurukhiyạ bhit dom rạputʼ giḍiakada; ar ona reakʼ sanam gaṛ dom marao akada.

Jobakʼ 5:18

ente uni doe ghạghạlgea, arhõ onae bedhaokakʼa; uni doe hạhạna, arhõ acʼakʼ titegeye bogea.

Rak̕joṅ 2:13

E Jerusalemren hoponera, iń do cetʼ katha roṛkateń am sejokʼa? Am do cetʼ sãoteń jurikema? E Sion kuạ̃ri kuṛi, jiwi raṛejtam lạgitʼ cetʼ tulucʼ iń somankema? Amakʼ ghạl do doreão leka maraṅgea; okoe am doe boge daṛekema?

2 Samuel 22:8

Unre dhạrti do daldalaoena ar ḍikạ ḍakekʼ ehopʼena, buru reakʼ rehetʼko daldalaoena; uniyakʼ edrete onako do dal dalaoena.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

2 Samuel 8:1

Dạud do Philisṭikoe bhagaoketʼko khan acʼakʼ gobolreye ạguketʼkoa. Uni do Philisṭikoakʼ ti khon Metheg-ama nagrahae hatkeda.

1 Bõsbudạ 18:3

Ar Sobaren raj Hoddesor do Phurạt gaḍa hạbicʼ acʼakʼ jaegako arhõ ektiạriạ ńam dohṛae lạgitʼ tinreye calaoena unre Dạud hõ uni sãote lạṛhại lạgitʼ Homat hạbicʼe senena.

1 Bõsbudạ 18:5

Ar Damesekren Aramren hoṛko do tinre Sibaren raj Hoddesor goṛowae lạgitʼko hecʼena unre Dạud do onkoren bargel bar hajar hoṛkoe gocʼketʼkoa.

1 Bõsbudạ 18:12

Seruaren hopon Abisoe do buluṅ lodamre gel irạl hajar Idomren hoṛkoe gocʼketʼkoa.