Sereńko 60:12 - সান্তালী বাইবেল

¹² Isorakʼ goṛote ale dole jitạukʼa; ar aleren bạiriko uni doe lebetʼ gańjaokotalea.

Sereńko 60:12 Referans Kwoze

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Jesaea 63:3

“Iń eskarge darkha jo doń lelenkana; jạt jạtrenko mod khon okoe hõ iń soṅgete do bako tahẽkana. Iń do edreteń lebetʼketʼkoa ar raṅgaote jaṅgateń lebetʼ gańjaoketʼkoa; ar onkoakʼ mãyãmge ińakʼ kicricʼre irciyena ar ińakʼ sanam kicricʼko do gabao cabayentińạ.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

1 Bõsbudạ 19:13

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ ar dela abo do dil salakʼ bon lạṛhạilenge. Probhu Isorakʼ mẽtʼre oka bhageakʼ kan onage uni doe kạmi ma.”

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Sereńko 144:1

Probhu Isorakʼ sarhao hoyokʼtae ma, uni do ińren aotan gaṛge; uni do lạṛhại lạgitʼ ińakʼ tikine cetʼakawạdińa, ar ińakʼ kạṭupʼko do tapam lạgitʼge.

Sereńko 118:16

Probhu Isorakʼ daṛeanakʼ ti do jitạue dan akawạdińạ; Probhu Isorakʼ daṛeanakʼ ti do bhageakʼe kạmiakada.

2 Samuel 10:12

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ dela, dil salakʼ bon lạṛhạilenge. Ar Probhu Isor do acʼakʼ mẽtʼre oka bhageakʼkan onageye onkaema.”

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”

Sereńko 44:10

Bạiriko samaṅ khonem pạc ocoketʼlea; ale upạrtenko do aleko luṭ akatʼlea.