Sereńko 6:7 - সান্তালী বাইবেল

⁷ Duk iạte ńeńel reakʼ daṛe hõ komao akantińạ; ar bạiriko iạte ińakʼ mẽtʼ do nijor caba akantińạ.

Sereńko 6:7 Referans Kwoze

Sereńko 38:10

Ińakʼ koṛam do dhuk dhukokʼkan tińạ, ar daṛe hõ cabayentińạ, ar mẽtʼ hõ ńut akantińạ.

Jobakʼ 17:7

Ińakʼ mẽtʼ do dukte ạndhuạ akantińạ; ar goṭa hoṛmo do umul leka hoyakana.

Rak̕joṅ 5:17

Noa iạte aleakʼ mon do nijor akana, noako iạte aleakʼ mẽtʼ do ńuṛu ńuṛu akantalea.

Sereńko 88:9

Duk ar kosṭote ińakʼ mẽtʼ do dhund caba akantińạ. E Probhu Isor, dinạm hilokʼ amiń hohowam kana; iń do am secʼ tiyiń tiyạr akatʼtińạ.

Sereńko 32:3

Iń do tinre kại bạń aṅgoc akatʼtiń tahẽkana unre goṭa dingeń hae haeyokʼkan tahẽkana ar ińakʼ jaṅko do heṛokʼkantiń tahẽkana;

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

Jobakʼ 7:3

onkage candoke cando ińre bin jo bahakʼ do paṛao akana; iń do ńindạke ńindạ eken dukiń ńameda.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

Jirimiạ 45:3

amem menakada, ‘hae! Probhu Isor ińakʼ duk cetanre arhõ hirdạnim emạń kana; iń do hae haeteń laṅga cabayena, jirạuge bạń ńameda.’