Sereńko 6:4 - সান্তালী বাইবেল

⁴ E Probhu Isor, iń secʼ ạcurokʼme, ar rukhiyạyińme; amakʼ khạndri dulạṛ iạte, bańcaoińme.

Sereńko 6:4 Referans Kwoze

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Sereńko 17:13

E Probhu Isor, ma beretʼme, ar teṅgo daramkote, otre baṛe tawakʼ bhindạṛkom. Amakʼ tarwaṛete bedhoromkoakʼ ti khon rukhiyạyińme.

Malaki 3:7

Aperen hapṛamko okte khonge ape do ińakʼ sanam ạn-ạri khonpe ocokʼakana ar palon hõ bape palon akada. Iń ṭhen ruạṛ hijukʼpe, ar ińhõ ape ṭheniń ruạṛ hijukʼa. Menkhan apepe meneda, ‘ale do cekatele ruạṛ hijukʼa?’

Sereńko 121:7

Joto lekan bạṛicʼakʼ khon Probhu Isorge ame rukhyiạmea; ar unige amakʼ jiwiye horhoytama.

Sereńko 116:4

Unre Probhu Isor do hohoadeteń metadea, “E Probhu Isor, am ṭheniń nehõrokʼ kana, am do ińakʼ jiwi bańcaotińme.”

Sereńko 90:13

E Probhu Isor, ar tinạkʼ din? Ma ruạṛokʼme, amren golamkore mãyãkʼme.

Sereńko 80:14

E sanam daṛeanicʼ Isor, am do ruạṛ hijukʼme; serma khon oyoṅkate ńelme ar noa darkha nạ̃ṛĩ baṛe hiri idiyme.

Sereńko 22:20

Tarwaṛe khon ińakʼ jiwi baṛe rukhiyại tińme, onko setakoakʼ capoṭ khon ińakʼ jiwi rukhiyại tińme.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Sereńko 120:2

E Probhu Isor, eṛe luṭi ar phạsiạra alaṅ khon rukhiyạyińme baṛe.

Sereńko 116:8

E Probhu Isor, amge gocʼko khon ińakʼ jiwi, ar mẽtʼ dakʼ khon ińakʼ mẽtʼ, ar bhindạṛokʼ khon ińakʼ jaṅgakinem rukhiyạ akatʼtińạ.

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

Sereńko 69:13

Menkhan E Probhu Isor, amakʼ daya tinre ńamokʼkan tahẽkana unrege iń do am ṭheniń koejoṅkan tahẽkana; E Isor, amakʼ asambheṛ dulạṛte amakʼ babańcao reakʼ pạtiạrtetʼ ńelte roṛ ruạṛạńme.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Sereńko 13:2

Ar tinạkʼ din iń do monreń hudisokʼa, ar din hilokʼ ińakʼ ontor do dukte perejokʼtińạ? Ar tinạkʼ din ińren bạiri do iń cetanre jitạu akane tahena?

Sereńko 74:10

E Isor, bạiriko do ar tinạkʼ dinko landa dhudhutʼa? Jaejugge cetʼ onko do amakʼ ńutumko nindạutama?

Sereńko 79:5

E Probhu Isor, ar tinạkʼ din? Am do cetʼ jaejugge edre akanem tahena? Ar tinạkʼ din amakʼ ãṭokʼ reakʼ jala do seṅgel leka jolokʼtege tahena?