Sereńko 6:2 - সান্তালী বাইবেল

² E Probhu Isor, dayawạńme, enteń nijorgea. E Probhu Isor, bogeyińme, ente ińakʼ jaṅko do botorte thar tharaokʼ kantińạ,

Sereńko 6:2 Referans Kwoze

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Sereńko 31:10

Hasote ińakʼ jiwi do oḍokokʼ kana, ar hae haete umer hõ parom calakʼkan tińa; bedhorom iạte ińakʼ daṛe do komao idikʼ kana, ińakʼ jaṅko do nijor caba akana.

Sereńko 30:2

E Probhu, ińren Isor, goṛowạń lạgitʼ iń hohowatʼmere am dom boge utạrkedińa.

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Sereńko 51:8

Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Sereńko 38:7

Ińakʼ ḍanḍare do jal jalaokʼkan hasoge menakʼa, ar ińakʼ horko do nirại bạnukʼtińạ.

Sereńko 38:3

Amakʼ edre iạte ińakʼ hoṛmo do niphuṭ bạnukʼa, ar kại iạte ińakʼ jaṅko hõ nirại bạnukʼ anaṅ.

Sereńko 32:3

Iń do tinre kại bạń aṅgoc akatʼtiń tahẽkana unre goṭa dingeń hae haeyokʼkan tahẽkana ar ińakʼ jaṅko do heṛokʼkantiń tahẽkana;

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Jobakʼ 5:18

ente uni doe ghạghạlgea, arhõ onae bedhaokakʼa; uni doe hạhạna, arhõ acʼakʼ titegeye bogea.

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Jobakʼ 19:21

E ińren gateko, ińakʼ dukren sãotenko hoyokʼpe, ente Isorakʼ ti doe ghạl akadińạ.

Sereńko 38:2

Ente amakʼ sarko do ińre kiṛbitʼ akana, ar amakʼ ti do ińe sapʼ uricʼ akadińạ.

Jirimiạ 10:24

E Probhu Isor, eken dhorom bicạrte baṛe sudhrạuiń me, menkhan amakʼ edrete ona do alom onkaea, arem onkae khan iń doń caba utạrokʼa.