Sereńko 59:5 - সান্তালী বাইবেল

⁵ E sanam daṛeanicʼ Probhu, Israelkoren Isor, am do sanam jạtrenko sạjại emako lạgitʼ ma beretʼme; ar phạsiạrako do alom daya akoa. (Sela)

Sereńko 59:5 Referans Kwoze

Sereńko 84:8

E Probhu, sanam daṛeanicʼ Isor, ińakʼ koejoṅ ańjomtińme; E Jakobren Isor, ińakʼ katha luturakʼme baṛe. (Sela)

Sereńko 55:15

Ińren bạiriko cetanre ackage moron baṛe hijukʼma; onko do jiwetʼtege patal puriteko calakʼma, ente oṛakʼ duạrre hõ onkoakʼ do bạṛicʼakʼ menakʼa.

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Romiko lạgitʼ Pạul Apostolakʼ ciṭhi 9:6

Isorakʼ katha je eṛeteakʼ hoyakan ona do baṅa, ente okoe Israel jạtrenko talareye janam akan onko sanamkoge khạṭi Israel doko baṅkana.

Amos 9:7

Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Jirimiạ 18:23

Menkhan E Probhu Isor, iń gojeń lạgitʼ noako soṛojontro reakʼ katha dom baḍaegea. Onkoakʼ noa behok do alom ikạitakoa se amakʼ mẽtʼãhã samaṅ khon onkoakʼ kại do alom meṭaotakoa. Onko do samaṅregeko tohotʼ gurokʼma; ar amem edrekokʼ jokhecʼge halawakome.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 1:10

E Sodomren mukhiyạko, Probhu Isorakʼ katha baṛe ańjompe. E Gomoraren hoṛko, aboren Isorakʼ bondobos reakʼ baṛe luturakʼpe.

Sereńko 80:4

E sanam daṛeanicʼ Probhu Isor, amren hoṛkoakʼ koejoṅakʼre ar tinạkʼ din edre akanem tahena?

Sereńko 54:3

Eṭakʼ jạtren hoṛko do iń upạrteko teṅgo akana; Sasantaoko do ińakʼ jiwi marao lạgitʼko kurumuṭu kana; noko hoṛ do Isor bako botoraea. (Sela)

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Genesis 33:20

Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).

Sereńko 7:7

Sanam jạtren hoṛ do am beṛhaeteko jarwakʼma; am do sermate ruạṛ senkate onko cetanre rajokʼme.

Daniel 6:7

Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.