Sereńko 59:4 - সান্তালী বাইবেল

⁴ Iń do jãhãnakʼ bạń dos akatʼa, enhõ onko do ńir hecʼkate iń upạrteko teṅgo akana. Iń goṛowạń lạgitʼ beredokʼme, ar ińakʼ muhin ńelme.

Sereńko 59:4 Referans Kwoze

Sereńko 35:23

E ińren Isor, E ińren Probhu, ma beretʼme, ar iń sejokʼme, ar iń secʼ katha roṛme.

Romiko lạgitʼ Pạul Apostolakʼ ciṭhi 3:15

Khũn lạgitʼ jaṅga do usạrate lahakʼtakoa,

Aposkạmi 23:15

Ńitokʼ ape ar maraṅ bạisiren hoṛko noa babotre arhõ mońj okocʼte tojbija mente ape samaṅre Pạul ạguiye lạgitʼ maraṅ subedar ṭhen khobor kolpe. Ar nonḍe ạuriye seṭerokʼrege uni goje lạgitʼ sapṛao akanle tahena.”

Jesaea 59:7

Onkoakʼ jaṅga do kại secʼge ńir calakʼtakoa; onko do bindusạnkoakʼ mãyãm joro ocoytako lạgitʼko usạrayeda. Onkoakʼ joto hudiskoge bạricʼgetakoa; onkoakʼ horre do jarkhar ar harkhetge menakʼa.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Kạhtukko 1:16

ente onkoakʼ jaṅga do kại secʼge ńir calakʼ kana, ar mãyãm joro ocoy lạgitʼko thare marekʼ kana.

Sereńko 44:23

E Probhu Isor, ebhenokʼme, cedakʼem jạpitʼ akada? Ma beretʼme, jaejug hạbicʼ do alom bạgi giḍilea.

Sereńko 35:19

Eṛe iạte okoe do ińren bạiriko hoyakan onko ṭhen do alom landa dhutʼ ocoyińạ; ar khanakhate okoeko kurudạń kan iń upạrte mẽtʼ do alom ripitʼ ocoakoa.

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

Genesis 40:15

Ente, Ibrikoakʼ disạm khon jorkateń sapʼ ạgu ocoakana, ar noa disạmre hecʼkate hõ jãhãn nonkanakʼ do bạń kạmi akada one onate noa khạndṛuṅreko aṭkao dohokạń.”

1 Samuel 19:4

Jonathan do acʼren apat Sạul ṭhen Dạude sarhaokedea, are menkeda, “E maharaj, amren golam Dạud upạrte jãhãnakʼ do alogem cekaea. Am upạrte uni ma jãhãnakʼ bacoṅe kại akatʼ, bickom uni okae ceka akatʼ onate ḍhergem upkạr akana.

Sereńko 56:7

Onko do cetʼ behok akatʼ reakʼ sạjại bako ńama? E Isor, am do edrete jạtrenko marao giḍikakome.