Sereńko 59:3 - সান্তালী বাইবেল

³ Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Sereńko 59:3 Referans Kwoze

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

Sereńko 69:4

Okoe khamakha iń cetanreko edrekʼkan Onkoakʼ lekha do ińakʼ bohokʼ upʼ khon hõ ḍhergea. Ar okoe iń nosṭoyińko menetʼkan onko do ạḍiko daṛegea; onko do eṛe iạte ińren bạiriko hoyakana. Ar bạń kombṛo akatʼre hõ em ruạṛ hoyokʼkan tińạ.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

Kạhtukko 12:6

Bedhorom hoṛko do mãyãm joroe lạgitʼ tãṛãkʼ akan reakʼ kathako mena, menkhan dhoromko do rukhiyạ reakʼ kathako roṛa.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Aposkạmi 23:21

Am do onkoakʼ katha alom senakʼa, ente pongel khon hõ bạ̃ṛti hoṛ do Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako jom ńũiya menteko kiriạ akana. Arko sapṛao akana ar am ṭhen khon kathako ńel hohorkana.”

Sereńko 38:12

Okoe do iń gojeńko menjoṅkan onko do iń lạgitʼ pạsiko oḍao akada; okoe iń hạneńko menjoṅkan onko do maraoiń reakʼ botorko udukʼạń kana; goṭa din onko do ṭhokayiń reakʼ phundiko aṭaoeda.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

1 Samuel 26:18

Ona tayom uni do arhõe menkeda, “Cedakʼ ạlińren mạlik do acʼren gutiye khudạu baṛayede kana? Ạliń do cetʼ liń ceka akatʼte? Ar cetʼ liń behok akada?

1 Samuel 24:17

Uni do Dạude metadea, “Aben do ạliń khon hõ ḍher ben dhoromgea, ente ạliń do aben tulucʼ ḍher bạṛicʼ liń beohar akatʼre hõ aben do bhage ben beohar akada.

1 Samuel 19:1

Sạul do acʼren hopon Jonathan ar acʼren sanam kạmiyạkoe metatʼkoa jemon onko do Dạudko goje. Menkhan Sạulren hopon Jonathan do Dạud ạḍiye dulạṛede tahẽkana.

Sereńko 140:2

Onko do mon monte bạṛicʼ phundiko aṭaoa ar din hilokʼko jhogṛakʼa.

Kạhtukko 24:15

E bedhorom hoṛ, dhorom hoṛakʼ oṛakʼ upạrte alom tãṛãkʼgokʼa, ar uniyakʼ tahen ṭhạ̃ire hat alom lagaoa;