Sereńko 59:16 - সান্তালী বাইবেল

¹⁶ Menkhan iń do amakʼ daṛe reakʼ iń sereńa, ar setakʼre rạskạte amakʼ asambheṛ dulạṛ iạteń sereńa; ente am kangeam ińren aotan gaṛ, ar muhinren hirlạ.

Sereńko 59:16 Referans Kwoze

Sereńko 21:13

E Probhu Isor, amakʼ daṛetege sodorokʼme; ale do amakʼ daṛe reakʼle sarhaotama arle sereńa.

Ephesiko lạgitʼ Pạul Apostolakʼ ciṭhi 3:20

Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ḍher bạ̃ṛtiye kạmiyeda.

Romiko lạgitʼ Pạul Apostolakʼ ciṭhi 15:9

Sonot sostorre olakana, ona iạte iń do boṅgan hoṛ jạtrenko talareń sarhaomea, ar amakʼ ńutumiń õṛhẽytama.

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 143:8

Setakʼre amakʼ asambheṛ dulạṛ reakʼ katha ańjomạńme, ente iń do am cetanregeń ṭehãḍ akana; ar okaṭakʼ horte calakʼ hoyokʼ ona hõ udukʼạńme, ente ińakʼ ontor do am secʼgeń rakapʼ akatʼtińạ.

Sereńko 138:7

Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.

Sereńko 101:1

Iń do amakʼ asambheṛ dulạṛ ar hok reakʼ iń sereńama; E Probhu Isor, iń do amiń oṛhẽ sereńa ma.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Sereńko 145:11

Onko do amakʼ rajosṭi reakʼ ṭhonokanakʼ katha ar amakʼ daṛe reakʼ kathako roṛa;

Sereńko 36:5

E Probhu Isor, amakʼ asambheṛ dulạṛ do serma hạbicʼ menakʼa; ar amakʼ pạtiạr do coṭ rimilko hạbicʼge.

Sereńko 31:7

Amakʼ asambheṛ dayań ńamakatʼte iń doń rạskạkʼ kana, ariń hulạsokʼ kana; ente am do ińakʼ dukem ńel akada, ar ińakʼ kosṭo reakʼ katha hõm baḍaekana.

Sereńko 4:1

E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Sereńko 89:1

Iń do jaejugge Probhu Isorakʼ asambheṛ dulạṛ reakʼ iń sereńa; ar bõske bõs sanamko samaṅre amakʼ pạtiạrtetʼ reakʼ kathań lại jạhira.

Sereńko 88:13

E Probhu Isor, iń do am ṭhen goṛo ńam lạgitʼ iń rakʼeda; setakʼre am ṭhen ińakʼ koejoṅ do seṭerokʼkana.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

Sereńko 5:3

E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 106:8

Enhõ uni do acʼakʼ ńutum khạtirte acʼakʼ maraṅ daṛe sodor lạgitʼe bańcaoketʼkoa.

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

2 Samuel 22:3

Isor kangeae ińren usul buru do, unirege iń doń asray akana. Uni do ińren ḍhal kanae, rurukhiyạicʼ dereńge, unige ińakʼ usul gaṛ, ińakʼ asray ṭhạ̃i. Sasantaokoakʼ ti khon amge bańcaoińme.

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Jobakʼ 15:23

Uni do jomakʼ sendare lạgitʼe ạcur baṛaea are kulijoṅa ona do okare menakʼa mente. Uni doe baḍaekana, ńut reakʼ din do sor akantaea.