Sereńko 59:13 - সান্তালী বাইবেল

¹³ Am do edrete onko marao giḍikakome, jemon onko do ar bako tahen; ar nonkate dhạrtiren sanamkoko baḍaea, Isorge Jakob bõsrenko cetanreye rajokʼa mente. (Sela)

Sereńko 59:13 Referans Kwoze

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Jeheskel 39:7

“Ińren hoṛ Israelko talare iń do ińakʼ sonottetʼ iń sodortińạ. Ińakʼ ńutum do ar bạń besonot ocowakʼa; onate jạtrenko baḍae daṛeakʼa, ińkangeạń Probhu Isor Israelren uni sonoticʼ.

Sereńko 59:11

E Probhu Isor, aleren ḍhal, ińren bạiriko alom gocʼ giḍikoa, ar baṅkhan ińren hoṛ do noako bako disạ dohoya. Am do bickom amakʼ daṛetem nonkakoa jemon hanḍe nanḍeko ạcur baṛae; ar amge baṛe onko do bhagaokom.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Jeheskel 38:23

Ar nonkate iń do jạt jạtrenkoakʼ mẽtʼãhã samaṅreń sodorokʼa; ar dhorom ar sonotgeń sodora. Unre onkoko baḍae daṛeakʼa, ińkangeạń Probhu Isor do.’

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Sereńko 104:35

Dhạrti khon kại hoṛ doko ḍahao maraokʼma; ar bedhoromko hõ jotogeko cabakʼma. E ińakʼ jiwi, Probhu Isorakʼ sarhao sereńme; Probhu Isorakʼge sarhao hoyokʼtae ma.

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

Numeri 32:13

Israelko cetanre Probhu Isorakʼ edre do rakapʼena ar uni samaṅre bạṛicʼko kạmikan sanam hoṛko ạuriko marao cabakʼ hạbicʼ pongel bochor hạbicʼ uni do hahaṅkarreye ạcur baṛaletʼkoa.

Sereńko 10:7

Uniyakʼ moca do sarap, ṭhok ar jorjulumte perecʼgea; uniyakʼ alaṅre do behok ar bạṛicʼakʼ reakʼ katha menakʼa.

Sereńko 64:9

Unre sanamkoakʼ monre botor caṛhao akoa; ar Isor okaṭakʼe ceka akatʼ onko do onako lại sodora ar ona kathageko moneyakʼa.

Sereńko 109:17

Onko do sarap emokʼko kusiyakʼa, Onate ona ạsis do ako cetanrege paṛaoena; ar bhorako lạgitʼ do mońj bako ạikạua, onate bhor do onko khon sạṅgińte calaoena.

Kạhtukko 12:13

Bạṛicʼ hoṛ do acʼakʼ kạite perecʼ katha hotete jhạlireye paṛaokʼa, menkhan dhorom hoṛ do muhin khone paskaokʼa.