Sereńko 59:10 - সান্তালী বাইবেল

¹⁰ Isor do acʼakʼ asambheṛ daya iạte iń ṭhene hijukʼa, ar ińren bạirikoakʼ bhagaoe ńel ocoyińạ.

Sereńko 59:10 Referans Kwoze

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Sereńko 54:7

Ińakʼ sanam muhin khon unige iń doe bańcao akadińạ; iń do apnarakʼ mẽtʼte ińren bạirikoakʼ bhagaoiń ńel akadea.

Sereńko 59:17

E Isor, ińakʼ daṛete, iń do amiń õṛhẽ sereńama. Amge ińren aotan gaṛ do; ar amge uni Isor do, okoe do iń lạgitʼ asambheṛ dulạṛ menakʼtae.

Sereńko 21:3

Bhạlạiyicʼ reakʼ ạḍi utạr bhorte uni dom koyokʼ daramede kana, ar uniyakʼ bohokʼre nirạ sona reakʼ mukuṭem horokʼae kana.

Sereńko 92:11

Ińren bạirikoakʼ bhagao do nij mẽtʼteń ńelakada; okoe iń upạrteko teṅgo akan onko bedhorom hoṛkoakʼ rakʼjoṅ iń do nijakʼ luturteń ańjom akada.

Sereńko 54:5

Bạiriko ińakʼ okaṭakʼko bạṛicʼetʼkan ona do onkogeye hala ruạṛakoa; E Probhu Isor, ińakʼ pạtiạrtetʼ iạte onko do marao giḍikakome.

2 Korinthiko 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Uni kangeae mãyãwan Baba do; ar sanam jiwi raṛecʼren Isor hõ.

Jirimiạ 17:16

Amren hoṛ gupiko khon iń do bạń ńir pharak akana; am dom baḍaegea muhin do bạń khojkana. Ińakʼ moca khon oka oḍokokʼ ona do am ṭhen baṅ okoya.

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Sereńko 91:8

Bedhorom hoṛko cetʼleka kuṛạiko ńam ona do eken mẽtʼtem ńela.

Sereńko 79:8

Sedaeren hapṛamkoakʼ behokakʼ do alere alom paṛao ocoya; am do usạrage amakʼ dulạṛ udugme, ente ale do ạḍitetʼle botorokʼ kana.

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

Sereńko 56:2

Ińren bạiriko do jaogeko laga baṛayediń kana; ar ḍherkoge bạḍại iạte iń tulucʼko lạṛhại kana.

Sereńko 5:8

E Probhu Isor, aema bạiri menakʼkotińte amakʼ dhorom horte ạyurińme; ar amakʼ hor sojhe kạtińme.

2 Samuel 1:17

Sạul ar uniren hopon Jonathan lạgitʼ Dạud do unre niạ homor halaṅ sereńe sereńkeda.

1 Thessalonikikko 4:15

Probhu Isorakʼ cecetʼakʼ lekatege apele lạiyape kana, okoe jiwetʼ menakʼ bon ar Probhu Isorakʼ ruạṛ hijukʼ hạbicʼ jiwetʼ bon tahen, abo do oka lekate hõ onko gocʼ akanko lahare oho bon calaolena.

1 Samuel 26:10

Jiwetʼ Isor ńutumteń meneda, Probhu Isorge uni do sạjạiye emaea. Uni do acʼtegeye gujukʼa, ar baṅ khan lạṛhạire senkateye marao utạrokʼa.

Sereńko 46:8

Dela hijukʼpe, Probhu Isorakʼ kạmiko ạribạndhipe, uni do dhạrtire nonosṭowakʼe ạguakada,