Sereńko 57:1 - সান্তালী বাইবেল

¹ Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Sereńko 57:1 Referans Kwoze

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Sereńko 36:7

E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.

Sereńko 61:4

Amakʼ tạmbure jemon jaejug hạbicʼ iń tahẽ daṛeakʼ; ar amakʼ phạ̃kṛạ̃kʼ latarre jemon hirlạń ńam. (Sela)

Sereńko 63:7

ente am kangeam ińren gokʼṛoyicʼ; amakʼ phạ̃kṛạ̃kʼ reakʼ umulre iń doń sereńjoṅ kana.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Sereńko 91:1

Maraṅ Isorakʼ hirlạre okoye tahenkan uni do sanam daṛeanicʼakʼ umulreye tahẽnkana.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

Jesaea 26:20

E ińren hoṛko, do calakʼpe, apeakʼ kandhate bolokʼ bayokʼpe ar duạr sińkakʼpe; ar thoṛa ghạṛicʼ lạgitʼ oko hataṛokʼpe, one khĩs ạuri cabakʼ hạbicʼ.

Sereńko 56:1

E Isor, dayawạńme baṛe, ente hoṛko do ińko laga baṛayediń kana. Ar jao ghuṛi lạṛhại iạteko kosṭoyediń kana.

Sereńko 91:9

“E Probhu Isor, amge ińren hirlạ do.” Am dom goṭa ṭhik akada maraṅ Isorge amren hirlạ kanae;

Sereńko 13:5

Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Sereńko 142:1

Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Sereńko 125:1

Probhu Isorre bhorsakʼkanko do Sion buru leka jaejug hạbicʼko ṭarhao tahena.

Sereńko 59:1

E Isor, ińren bạirikoakʼ ti khon bańcaoińme; iń upạrtenko khon am do usulakʼre dohokạńme.

Sereńko 58:1

E bicạretʼkanko, ape dope thir hape akana noa do cetʼ hok reakʼ bicạr hoyokʼ kana? Ape do cetʼ hoṛkoakʼ hok reakʼpe bicạrkatako kana?

Jesaea 10:25

Ape cetanre ińakʼ edre do usạratege cabakʼa, ar ona do Ạsurrenkoe maraokoa.”

1 Samuel 24:3

Ar horte calakʼ calakʼte mitʼṭecʼ ṭhạ̃ireye hecʼena onḍe do bhiḍi meromkoakʼ chaṛ tahẽkana. Ar ona sorre mitʼṭecʼ dander tahẽkana. Sạul do khalasokʼ lạgitʼ ona danderreye boloyena. Menkhan ona danderrege Dạud ar uniren hoṛko do bhitri secʼreko duṛupʼ oko akan tahẽkana.

1 Samuel 22:1

Dạud do Gat khone dạṛketʼte Adulam ṭhenakʼ mitʼṭecʼ danderreye okoyena. Ona katha ańjomkate uniren dadattetʼtako ar uni apatakʼ bõsren hoṛ do uni ṭhenko calaoena.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

1 Samuel 24:8

Ona tayom Dạud hõ dander khone oḍokente ãṭ aṛaṅte Sạul hohoateye metadea, “E ińren mạlik, maharaj!” Ar Sạul do tayom secʼe beṅgetʼ ạcurketʼ khan Dạud do otre ombakʼkate Sạule ḍobokʼadea.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

1 Samuel 24:4

Unre Dạudren hoṛko menkeda, “Probhu Isor oka din reakʼ kathae metatʼme tahẽkan ona din do teheń seṭer akana. Uni doe menleda, ‘amren bạiri do amakʼ tireń soprotea ar unire am oka bhagem hudis onam onkawaea.’ ” Unre Dạud doe beretʼente hape hapete Sạulakʼ aṅgrop reakʼ ańcare getʼ kuṭrạketʼtaea.

1 Samuel 26:9

Dạud do uniye metadea, “Baṅa, uni do alom gojea. Probhu Isorren ojokʼicʼ cetanre hat lagaokate jãhãe do cetʼ bin dusạne tahẽ daṛekokʼa.?

Sereńko 75:1

E Isor, amle sarhaoetʼmea, ale do amgele sarhaoetʼmea, ente am do sorrege menama; hoṛko do amakʼ hahaṛa kạmi reakʼ kathako lại jạhireda.