Sereńko 56:7 - সান্তালী বাইবেল

⁷ Onko do cetʼ behok akatʼ reakʼ sạjại bako ńama? E Isor, am do edrete jạtrenko marao giḍikakome.

Sereńko 56:7 Referans Kwoze

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Jirimiạ 10:25

Okoe jạtrenko bako aṅgocme, ar okoe bako hohowam, onko cetanre amakʼ edre baṛe dulme. Onko do Jakobko jom akadea, ar uniyakʼ disạmko marao giḍiakada,

Jirimiạ 7:10

Ar ona tayom do ińakʼ oṛakʼre hecʼkate iń samaṅre teṅgokatepe meneda, ale dole rukhiyạle ńamkeda. Apepe onkayeda jemon bạṛicʼ kạmikope kạmi daṛeakʼ.

Jesaea 28:15

Ape do bạḍạitepe meneda, “Ale do moron ar Sheol sãote mitʼṭecʼ bondobosle bandhao akada. Maraokʼ reakʼ cạbuk pheḍ hecʼlenre hõ ale do bae tiyokʼlea, ente eṛeteakʼ do aleakʼ hirlạ ar phikir do aleakʼ asraygele benao akawana.”

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Sereńko 55:15

Ińren bạiriko cetanre ackage moron baṛe hijukʼma; onko do jiwetʼtege patal puriteko calakʼma, ente oṛakʼ duạrre hõ onkoakʼ do bạṛicʼakʼ menakʼa.

Sereńko 55:9

E Probhu Isor, onko do marao cabakom, onkoakʼ roṛ do gaḍbaḍao ocoytakome; ente nagrahare iń do jor julum ar lạṛhạiyiń ńel akada.

Sereńko 36:12

Okoe bạṛicʼakʼko kạmikan ńelme onko doko ńurhạ akana; onko doko giḍi ocoakana, ar bako beretʼ ruạṛ daṛeakʼa.

Sereńko 37:32

Bạṛicʼ hoṛko do Isor botoraeko lạgitʼ tãṛãkʼ akanko tahena, ar onko gocʼko reakʼko kurumuṭuiya.

Sereńko 59:4

Iń do jãhãnakʼ bạń dos akatʼa, enhõ onko do ńir hecʼkate iń upạrteko teṅgo akana. Iń goṛowạń lạgitʼ beredokʼme, ar ińakʼ muhin ńelme.