Sereńko 55:4 - সান্তালী বাইবেল

⁴ Noate ińakʼ ontor do dhak dhakaokʼ kantińạ; gujukʼ botorgeye sapʼ akadińạ.

Sereńko 55:4 Referans Kwoze

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Sereńko 88:3

Ente ińakʼ ontor do dukte perecʼgea; ińakʼ jiwi do patal puri hạbicʼ sen akana.

Sereńko 69:20

Hirkhạ iạte ińakʼ mon do rạputʼ akana onate iń doń kạhil akana. Ińakʼ dukte jemon eṭakʼkoko dukokʼ ar onage iń doń khojkan tahẽkana, menkhan ona do bạń ńamleda. Jiwi raṛecʼko emdaṛeạń hoṛiń khojletʼkoa, menkhan onkan okoe hõ bạń ńamletʼkoa.

Sereńko 6:3

ar jiwire hõ botor caṛhao akawạdińa. E Probhu Isor, ar tinạkʼ din ona do calao idikʼa?

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

2 Samuel 16:7

Simaiye do sarap em emteye menkeda, “Men ocogokʼme, men ocogokʼme, eya mãyãm jokʼroyicʼ, eya dusṭạmi hoṛ!

Sereńko 42:10

Ińren bạiriko landa dhutʼạńte tinreko mitạńa, “Okayenae amren Isor do?” Unre ińakʼ dosa do jaṅko gejerokʼ leka hoyokʼ kantińạ.