Sereńko 55:10 - সান্তালী বাইবেল

¹⁰ Onko do cetʼ reakʼ coṅ sendrae lạgitʼ siń ńindạ nagraha reakʼ pạcrikoreko ạcur baṛaekana. Ar nagrahare do dusṭạmi ar bedhorom kạmiko calakʼ kana.

Sereńko 55:10 Referans Kwoze

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Aposkạmi 9:24

Menkhan Sạul do onkoakʼ goṭawakʼe baḍaeketʼtakoa. Ar uni goje lạgitʼ Jihudiko do nagraha reakʼ Phoṭok duạrkore siń ńindạ pahrako ehopʼena.

Johan 18:28

Jihudi mukhiyạko do ạḍi setakʼre Kaeapha ṭhen khon Romren disạm cakʼlaoyicʼ Pilạtakʼ doṅgolte Jisuko idikedea. Menkhan onko do ona doṅgol bhitrite bako bololena jemon saphako tahente bańcaokʼ porob reakʼ bhojko jom daṛeakʼ.

Johan 18:3

Ar maraṅ naekeko ar Phạrusiko do Jihudạ soṅgete mitʼ dol palṭon ar kạmiyạko kolketʼkoa. Unre Jihudạ do onko sãote diuhe, mosal ar khanḍa banḍawante onḍeye seṭerena.

Hosea 7:6

Menkhan onko do tinreko phor phundikeda unre onkoakʼ ontor do culhạ leka dugur dugur jollentakoa. Onkoren piṭhạ bekʼnaoko do goṭa ńindạko jạpitʼkeda ar setakʼ jokhecʼ ona phor phundi do bhaṭa seṅgel leka jolentakoa.

Sereńko 59:6

Onko do ạyupʼ secʼko ruạṛ hijukʼa, ar seta lekako gondraokʼa, onko do nagraha reakʼ sanam jaegareko dãṛã baṛaea.

1 Samuel 19:11

Dạud cetanre nońjor dohoy lạgitʼ Sạul do uniyakʼ oṛakʼte hoṛe kolketʼkoa jemon dosar hilokʼ setakʼre uniye gocʼ daṛeae. Menkhan Dạudren bạhu Mikal do jotowakʼe baḍae ocokedeteye metadea, “Teheń ńindạ bam dạṛ enḍekhan gapage am dom gocʼ ocokʼa.”

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Sereńko 58:3

Janam khonge phạsiạrako do bạṛicʼ horteko calakʼkana; ar eṛe katha roroṛko hõ janam khonge bạṛicʼ horteko sen adokʼkana.

Habakkuk 1:3

Cedakʼ dusṭami hoṛ ńelko lạgitʼ dom jorae moṭeńkana? Cedakʼ am do behokakʼem sahaoeda? Iń samaṅre jarkhar ar santao hoyokʼkana ar jhogṛa hõ jaoge hoyokʼkana.