Sereńko 52:5 - সান্তালী বাইবেল

⁵ Menkhan Isor do jaejug lạgitʼe marao giḍikama; uni do ame or ạgumea, amakʼ tạmbu khone chingạu ạgumea, ar jiwetʼkoakʼ disạm khone or totʼ giḍikama. (Sela)

Sereńko 52:5 Referans Kwoze

Kạhtukko 2:22

menkhan disạm khon bạṛicʼko doko kaman ocokʼa ar bepạtiạrko doko or totʼ giḍi ocokʼa.

Sereńko 27:13

Probhu Isorakʼ emakʼ bhageakʼ do jiwetʼko modregeń ńel ńama. Noa katha bạń pạtiạuakʼ khan enḍekhan ińakʼ do cetʼ hoyokʼa?

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Jesaea 38:11

Ińiń menleda, “Jiwetʼkoakʼ disạmre Probhu Isor do ar bạń ńelea; niạ purire girobasokʼ kan manwako hõ ar bạń ńelkoa.

Jesaea 22:19

Iń do amakʼ hudạ khoniń ocokʼmea; ar amakʼ ṭhạ̃i khoniń ḍheka ńurmea.

Kạhtukko 19:9

Eṛe gohayicʼ do sạjạiye ńamgea; ar okoe eṛe gohae em uni doe jarkharokʼa.

Kạhtukko 19:5

Eṛe goha emokʼicʼ do sạjại ńamte hõe ńama; ar okoe gohayicʼ do eṛeye roṛ uni do rehay bae ńama.

Kạhtukko 12:19

Sạriyicʼakʼ reakʼ katha do jaejug hạbicʼ tahena, menkhan eṛeyicʼakʼ reakʼ katha do thoṛa dinge.

Sereńko 116:9

Iń do jiwetʼko talare Probhu Isor samaṅreń dãṛãbaṛaea.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Jobakʼ 18:14

Uniye bhorsakʼkan tạmbu khon do or totʼkateye giḍi ocokʼa; ar torasren rapaj ṭhene idi ocokʼa.